बंद झालेली एलआयसी पॉलिसी पुन्हा सुरू करण्याची संधी, विलंब शुल्कावर विशेष सवलत, जाणून घ्या संपूर्ण तपशील

एकूण पुनरुज्जीवन प्रीमियमची रक्कम 1 लाख रुपयांपर्यंत असल्यास, विलंब शुल्क सवलत 20 टक्के आणि जास्तीत जास्त 2000 रुपये असू शकते. 1-3 लाख रुपयांपर्यंतच्या प्रीमियम रकमेसाठी, सवलत 25% असेल आणि जास्तीत जास्त सवलत 2500 रुपये असेल.

टीव्ही 9 मराठी डिजीटल टीम | Updated on: Sep 18, 2021 | 8:37 PM

नवी दिल्ली : जर तुमची लाइफ इन्शुरन्स कॉर्पोरेशन (LIC) पॉलिसी बंद झाली असेल, तर तुम्हाला ती रिव्हायवल करण्याची उत्तम संधी आहे. यासाठी एलआयसीतर्फे विशेष पुनरुज्जीवन मोहीम आयोजित करण्यात आली आहे. याशिवाय उशिरापासून प्रीमियम जमा केल्यावर लावलेल्या दंडावर सूट देखील आहे. तथापि, ते मुदतीच्या विम्यासाठी नाही. सध्या लाइफ इन्शुरन्स कॉर्पोरेशनतर्फे विशेष पुनरुज्जीवन अभियान(LIC Special Revival Campaign) राबवले जात आहे. (Opportunity to resume closed LIC policy, special discount on late fees)

ही मोहीम 23 ऑगस्ट रोजी सुरू करण्यात आली होती आणि ही मोहीम 22 ऑक्टोबर पर्यंत चालणार आहे. अशा स्थितीत तुम्ही याचाही लाभ घ्यावा आणि वर्षानुवर्षे बंद असलेली पॉलिसी पुन्हा सुरू करावी. आजची गुंतवणूक तुमच्या भविष्यासाठी आहे. ही पुनरुज्जीवन मोहीम टर्म कंडिशनसह आहे. या मोहिमेअंतर्गत उच्च जोखमीच्या कवच योजनेचे पुनरुज्जीवन करण्याची परवानगी नाही.

रिवायवल प्रीमियम रकमेवर सूट

एलआयसीने जारी केलेल्या प्रसिद्धी पत्रकानुसार, विलंब शुल्कावर सूट देखील दिली जात आहे. सवलत रक्कम तुमच्या एकूण पुनरुज्जीवन प्रीमियम रकमेवर आधारित आहे. विशेष पुनरुज्जीवन मोहिमेअंतर्गत, जर एखादी पॉलिसी गेल्या पाच वर्षांपासून बंद आहे, तर ती पुनरुज्जीवित केली जाऊ शकते. या संदर्भात इतर अनेक अटी आणि नियम आहेत.

विलंब शुल्कावर विशेष सवलत

एकूण पुनरुज्जीवन प्रीमियमची रक्कम 1 लाख रुपयांपर्यंत असल्यास, विलंब शुल्क सवलत 20 टक्के आणि जास्तीत जास्त 2000 रुपये असू शकते. 1-3 लाख रुपयांपर्यंतच्या प्रीमियम रकमेसाठी, सवलत 25% असेल आणि जास्तीत जास्त सवलत 2500 रुपये असेल. विलंब शुल्क सवलत 3 लाख रुपयांपेक्षा जास्त प्रीमियम रकमेसाठी 30% असेल. जास्तीत जास्त सूट 3000 रुपये असू शकते.

आरोग्य विमा पॉलिसी आरोग्य रक्षकही केली लाँच

याशिवाय लाइफ इन्शुरन्सने एलआयसी आरोग्य रक्षक पॉलिसीही सुरू केली. ही एक आरोग्य विमा योजना आहे जी नियमित प्रीमियम नॉन-लिंक्ड पॉलिसी आहे. या पॉलिसी अंतर्गत निश्चित लाभ उपलब्ध आहे. एखादी व्यक्ती ही पॉलिसी स्वतःसाठी, जोडीदारासाठी, मुलांसाठी खरेदी करू शकते. (Opportunity to resume closed LIC policy, special discount on late fees)

आता व्हॉट्सअॅपवर फोटोला स्टिकर्समध्ये कनवर्ट होणार, लवकरच येणार नवीन फीचरhttps://t.co/zWuo9Udya8 #Whatsapp |#NewFeature |#Stickers |#Image

— TV9 Marathi (@TV9Marathi) September 18, 2021