SIP : मुलांचे भविष्य करायचे सुरक्षित, मग या म्युच्युअल फंडातील गुंतवणूक करेल चिंतामुक्त..

नवी दिल्ली : वाढत्या शैक्षणिक खर्चामुळे (Education Inflation) पालकांना (Parents) चिंता वाटणे सहाजिकच आहे. अभियांत्रिकी, डॉक्टर आणि अन्य अभ्यासक्रमाच्या खर्चाचे आकडे अनेकांना न झेपणारेच आहे. पण तरीही मुलांची स्वप्न साकार करण्यासाठी पालक शैक्षणिक कर्ज (Educational Loan) घेतात. पण दुसरे मार्ग चोखाळले तर काही वर्षांनी वाढणाऱ्या या खर्चाची तयारी तुम्ही योग्य गुंतवणुकीतून करु शकता.

भविष्यातील खर्चाची तरतूद करण्यासाठी तुम्ही योग्य आर्थिक नियोजन करणे गरजेचे आहे. भविष्यातील आर्थिक खर्च भागविण्यासाठी म्युच्युअल फंडातील (Mutual Fund) गुंतवणूक फायदेशीर ठरु शकते. पण कोणत्या फंडात केलेली गुंतवणूक फायेदशीर ठरेल ते समजून घेऊयात..

नियोजन करताना मुलं लहान असतानाच अशी गुंतवणूक फायदेशी ठरते. म्युच्युअसल फंडात दीर्घकालीन केलेली गुंतवणूक मोठा निधी उभा करण्यास मदत करते. त्यामुळे मुलं लहान असतानाच कमाईचा काही भाग गुंतवणूक करणे लाभदायक ठरते.

शैक्षणिक खर्च हा नेहमी दोन अंकी असतो, त्यामुळे गुंतवणूक करताना या गोष्टीचे भान ठेवणे आवश्यक आहे. जर तुम्हाला पुढील 10 वर्षांसाठी गुंतवणूक करायची असेल तर सरासरी 12-14 टक्के परतावा मिळू शकतो. त्यासाठी 80 टक्के गुंतवणूक इक्विटी फंडात तर 20 टक्के गुंतवणूक डेट फंडात करणे फायद्याचे ठरते.

बाजारातील तज्ज्ञांनी काही म्युच्युअल फंडाची यादी दिली आहे. शैक्षणिक निधीसाठी या फंडात दीर्घकालीन गुंतवणूक फायदेशीर ठरेल. ही गुंतवणूक करण्यापूर्वी तुमच्या आर्थिक सल्लागाराशी सल्लामसलत नक्की करा.

DSP Equity Opp, Fund, HDFC Flexicap Fund, Kotak Emerging Equity Fund, SBI Focused Equity Fund, SBI Contra Fund, DSP World Mining Fund, Franklin Ind, Feeder-Frank US Opp, ABSL Money Manager Fund, UTI Money Market Fund या फंडात गुंतवणूक करता येईल.

या फंडामध्ये तुम्ही साधारणतः 5000 रुपयांची दरमहा केलेली गुंतवणूक फायदेशीर ठरेल. त्यासाठी SIP करावी लागेल. तुम्हाला 500 रुपयांपासूनही सुरुवात करता येते. तुमच्या गुंतवणुकीनुसार तुम्हाला परतावा मिळेल.

सध्या अनेक फंड 12 टक्के, 15 टक्के तर काही फंड 20 टक्क्यांपर्यंत परतावा देतात. तुमच्या गुंतवणुकीनुसार या फंडातून परतावा मिळेल. 5000 रुपयांच्या एसआयपीवर 10 वर्षांनी 14.45 लाख रुपयांपर्यंत परतावा मिळू शकतो.