Chiller | सुट्या पैशांचा त्रास कशाला राव..विना इंटरनेट दणदण करा पेमेंट..

नवी दिल्ली : तुम्हीही बाजारात (Market) जाताना सुट्या पैसे सोबत ठेवता का? सुट्या पैशांवरुन (Chiller) आजही तुम्हाला मनस्ताप होतो का? तर आता हा त्रास होणार नाही. कारण त्यावर एक झक्कास उपाय आला आहे. विना इंटरनेट (Without Internet) तुम्हाला रक्कम अदा करता येणार आहे..

तर आता युपीआय लाईट (UPI Lite) तुमची ही चिंता मिटवणार आहे. पेटीएम, गूगल पे, फोन पे इतर युपीआय अॅप प्रमाणेच हा लाईट पर्याय तुमची सुट्या पैशांची काळजी संपवणार आहे. तुम्हाला सहज कुठेही रक्कम हस्तांतरीत करता येणार आहे.

छोट्या रक्कमांचे व्यवहार या माध्यमातून पूर्ण करता येतील. तसेच यासाठी इंटरनेटचीही गरज नसेल. तुम्हाला केवळ अॅप उघडायचं आणि पेमेंट करायचे आहे. या अॅपच्या मदतीने तुम्हाला छोटे-छोटे व्यवहार करणे सोपे होणार आहे.

रिझर्व्ह बँक ऑफ इंडियाचे गव्हर्नर शक्तिकांत दास यांनी 20 सप्टेबर 2022 रोजी युपीआय लाईट अॅप दाखल केले आहे. या ई-वॅलेटच्या मार्फत तुम्ही 200 रुपयांपर्यंतचा व्यवहार विना पिन करु शकता.

युपीआय लाईट पेमेंटच्या माध्यमातून तुम्ही संबंधित व्यवहार पूर्ण करु शकता. त्यासाठी तुम्हाला पिन टाकण्याची गरज नसते. ही रक्कम थेट समोरच्याच्या खात्यात वळती होते. तर तुम्हाला कोणी रक्कम दिली तर तो पैसा थेट तुमच्या खात्यात जमा होतो.

युपीआय लाईट अॅप हे एक डिव्हाइस वॅलेट आहे. यामध्ये तुम्हाला रक्कम जमा करता येते. छोटे छोटे व्यवहार या अॅपच्या माध्यमातून पूर्ण करता येतात. यासाठी इंटरनेटची गरज पडत नाही.

या पेमेंट अॅपमध्ये तुम्हाला जास्तीत जास्त 2000 रुपये जमा ठेवता येतात. तर 200 रुपयांपर्यंतची रक्कम तुम्हाला अदा करता येईल. त्यापेक्षा मोठ्या रक्कम अदा करता येणार नाही. त्याची मर्यादा ठरवण्यात आली आहे.

सध्या देशातील 8 बँकांनी ही सुविधा उपलब्ध करुन दिली आहे. यामध्ये कॅनेरा बँक, एचडीएफसी बँक, इंडियन बँक, कोटक महिंद्रा बँक, पंजाब नॅशनल बँक, स्टेट बँक ऑफ इंडिया, युनियन बँक ऑफ इंडिया, उत्कर्ष स्मॉल फायनान्स बँक यांच्या ग्राहकांना ही सुविधा मिळत आहे.

युपीआय लाईट अॅपमधून पेमेंट करण्यासाठी इंटरनेटची गरज राहणार नाही. मात्र या खात्यात रक्कम जमा करण्यासाठी तुम्हाला इंटरनेटची गरज लागेल. त्याशिवाय रक्कम जमा करता येणार नाही.