दिल्लीतील आंदोलनात अभिजीत दीपकेला अटक, आई-वडिलांचा संताप अनावर; थेट म्हणाले…

दिल्लीतील काँग्रेसच्या आंदोलनादरम्यान कार्यकर्ते अभिजीत दीपके यांना ताब्यात घेतल्यानंतर त्यांच्या आई-वडिलांनी तीव्र संताप व्यक्त केला आहे. अभिजीतच्या वडिलांनी पोलिसांच्या भूमिकेवर प्रश्नचिन्ह उपस्थित केले. पोलिस हे गृहखात्याचे नोकर झालेले आहेत आणि ते विद्यार्थ्यांवर अन्याय करत आहेत, असे त्यांनी म्हटले. अमित शहा आणि मोदी हे गुजरात दंगलीतून तयार झालेले गुंड आहेत, अशी गंभीर टीकाही त्यांनी केली आहे.

अभिजीतच्या आईनेही सरकारच्या कारवाईवर जोरदार आक्षेप घेतला. सरकारने हे बरोबर केले नाही. तो देशासाठी काम करत होता, काही वाईट नाही, असे त्या म्हणाल्या. अरोपींना आणि चोरांना तात्काळ अटक केली जात नाही, पण देशासाठी काम करणाऱ्याला विमानातून उतरवून अटक केली जाते, असा सवाल त्यांनी उपस्थित केला. हे सरकार चांगले नाहीये, ते तुला कधीही अटक करतील, अशी भीती त्यांनी अभिजीतला आधीच व्यक्त केली होती. तरीही मी देशाचा आहे, असे म्हणत अभिजीतने आंदोलनात भाग घेतला.