Ajit Pawar Death in Plane Crash LIVE : … अन् रुग्णालयाबाहेर युगेंद्र पवार धाय मोकलून रडायला लागले

महाराष्ट्राच्या राजकारणातील एक महत्त्वाचे व्यक्तिमत्त्व, अजित पवार यांचे बारामतीजवळ झालेल्या विमान अपघातात निधन झाले आहे. ही बातमी समोर येताच संपूर्ण राज्यभरातून तीव्र दुःख व्यक्त करण्यात आले. सूत्रांकडून मिळालेल्या प्राथमिक माहितीनुसार, विमानामध्ये तांत्रिक बिघाड झाल्याने हा भीषण अपघात घडला. अजित पवार हे आगामी जिल्हा परिषद आणि पंचायत समिती निवडणुकांच्या प्रचारासाठी मुंबईहून विमानाने बारामतीकडे निघाले होते. मात्र, बारामती विमानतळाजवळच त्यांच्या विमानाला अपघात झाला.

या दुर्दैवी घटनेमुळे त्यांचे कुटुंबीय आणि कार्यकर्ते प्रचंड शोकात बुडाले आहेत. सुप्रिया सुळे आणि सुनेत्रा पवार तातडीने बारामतीकडे रवाना झाल्याची माहिती आहे. हॉस्पिटलबाहेर कार्यकर्त्यांनी मोठ्या संख्येने गर्दी केली असून, त्यांच्या डोळ्यात अश्रू अनावर झाल्याचे दिसून आले. अजित पवार हे केवळ एक राजकीय नेते नव्हते, तर आकांक्षा आणि स्वप्नांचे समर्थक म्हणून त्यांची ओळख होती. त्यांच्या निधनाने महाराष्ट्राच्या राजकारणात मोठी पोकळी निर्माण झाली आहे.