Asaduddin Owaisis : अहिल्यानगर धार्मिक तणाव, ओवैसींची सभा रद्द, पुढील सभा कधी? 200 जणांवर गुन्हा दाखल

अहिल्यानगर (पूर्वीचे अहमदनगर) येथे निर्माण झालेल्या धार्मिक तणावाच्या पार्श्वभूमीवर असदुद्दीन ओवैसी यांची आजची नियोजित सभा स्थगित करण्यात आली आहे. मिळालेल्या माहितीनुसार, असदुद्दीन ओवैसी यांची पुढील सभा ९ ऑक्टोबर रोजी आयोजित करण्यात येणार आहे. अहिल्यानगरमधील या धार्मिक तणाव प्रकरणानंतर प्रशासनाने कठोर पावले उचलली आहेत. या घटनेप्रकरणी आतापर्यंत एकूण २०० जणांवर गुन्हे दाखल करण्यात आले आहेत.

तसेच, पोलिसांनी केलेल्या कारवाईत ३२ आरोपींना ताब्यात घेण्यात आले आहे. ताब्यात घेतलेल्यांमध्ये तीन अल्पवयीन मुलांचाही समावेश असल्याचे समोर आले आहे. या घटनेमुळे अहिल्यानगरमध्ये काही काळ वातावरण तणावपूर्ण झाले होते. पोलीस आणि स्थानिक प्रशासन परिस्थिती नियंत्रणात आणण्यासाठी प्रयत्न करत आहेत.