Ashish Deshmukh : आता खूप झालं… दादांची ओळख अ‍ॅक्शन मॅन तर… भाजप आमदाराकडून NCP च्या मंत्र्यावर कारवाईची मागणी

विधानसभेत रमी खेळताना महाराष्ट्राचे कृषीमंत्री माणिकराव कोकाटे यांचा व्हिडिओ सोशल मीडियावर व्हायरल झाला आहे. रोहित पवार यांनी हा व्हिडिओ शेअर केल्यानंतर कोकाटे यांच्यावर तीव्र टीका झाली आहे. शेतकऱ्यांच्या समस्यांवर चर्चा सुरू असताना मंत्र्यांनी रमी खेळल्याचे दृश्य पाहून नाराजी व्यक्त केली जात आहे. कोकाटे यांनी आपण रमी खेळत नसून, मोबाईलवरील जाहिरात स्किप करत असल्याचे स्पष्टीकरण दिले आहे. मात्र, व्हिडिओमध्ये त्यांच्या कृती स्पष्ट दिसत असल्याने हे स्पष्टीकरण समाधानकारक वाटत नाही. विरोधी पक्षांनी या घटनेवर तीव्र प्रतिक्रिया दिल्या आहेत आणि मंत्र्यांवर कारवाईची मागणी केली आहे.

राज्याचे उपमुख्यमंत्री आणि राष्ट्रवादीचे नेते अजित पवार यांनी कृषीमंत्र्यांवर कारवाई करावी, अशी मागणी आशिष देशमुख यांनी केली आहे. भाजपच्या आमदाराकडूनच राष्ट्रवादीच्या मंत्र्यांवर कारवाई करण्याची मागणी केली जात आहे. इतकंच नाहीतर अजित पवार यांची ओळख अॅक्शन मॅन अशी आहे, असं आशिष देशमुख म्हणालेत. तर कृषीमंत्री माणिकराव कोकाटे हे वारंवार चुकीची वक्तव्य करताय आता खूप झालं.. अशीही प्रतिक्रिया आशिष देशमुखांकडून देण्यात आली आहे.