मुंबई : राजकीय ओबीसींच्या आरक्षणाच्या मुद्द्यावरुन सत्ताधारी महाविकास आघाडी आणि भाजप नेत्यांमध्ये आरोप-प्रत्यारोपांच्या फैरी झडत आहेत. त्यावरूनच भाजपने आक्रमक पवित्रा घेत मंत्रालयावर मोर्चा काढला होता. त्यादरम्यान भाजप प्रदेशाध्यक्ष चंद्रकांत पाटील (Chandrakant Patil) यांनी खासदार सुप्रिया सुळे (Supriya Sule) यांच्यावरही पाटील यांनी टीका केली होती. त्यामुळे त्यांच्या अडचणी वाढण्याची शक्यता वर्तवली जात होती. दरम्यान चंद्रकांत पाटील यांच्याविरोधात महिला आयोगाकडे तक्रार दाखल झाली आहे. तर पाटील यांना याप्रकरणी राज्य महिला आयोगाने (State Women Commission)खुलासा करण्याचे निर्देश दिले आहेत. मंत्रालयावर काढलेल्या मोर्चात चंद्रकांत पाटील यांनी खा. सुप्रिया सुळे यांना घरी जाऊन स्वयंपाक करा, तसेच कुठेही जा मसनात जा, पण आरक्षण द्या असे म्हटलं होतं.