रत्नागिरी : रत्नागिरीच्या खेडमध्ये गोळीबार मैदानावर मुख्यमंत्री एकनाथ शिंदे आज काही वेळात जाहीर सभा होणार आहे. उद्धव ठाकरे यांनी घेतलेल्या त्याच मैदानावरून केलेल्या टीकेला मुख्यमंत्री एकनाथ शिंदे काय प्रत्युत्तर देणार याकडे साऱ्याचे लक्ष लागले आहे. दरम्यान, आताच काही वेळापूर्वी मुख्यमंत्री एकनाथ शिंदे हे रत्नागिरीतील खेडमध्ये दाखल झाले आहेत. गोळीबार मैदानावरून एकनाथ शिंदे नेमके कुणावर शाब्दिक फायरिंग करणार हे पाहणं औत्सुक्याचं असणार आहे. अशातच शिवसेनेचे नेते रामदास कदम, उदय सामंत यांच्यासह इतर नेत्यांनी मुख्यमंत्री एकनाथ शिंदे यांची ही सभा रेकॉर्डब्रेक होणार असल्याचा विश्वास व्यक्त केला आहे. तर मुख्यमंत्री एकनाथ शिंदे यांच्या सभेआधी जोरदार तयारी पाहायला मिळत आहे.