लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पहा…
लातूर जिल्हा बँक निवडणुकीत धीरज देशमुख यांच्या सहकार पॅनलने १९ पैकी १४ जागा जिंकत दणदणीत विजय मिळवला आहे. गेल्या ४० वर्षांपासून देशमुख कुटुंबीयांच्या मार्गदर्शनाखाली बँक कार्यरत असून, हा विजय सकारात्मक कामाचे आणि जनतेच्या विश्वासाचे प्रतीक असल्याचे धीरज देशमुख यांनी म्हटले आहे. महायुतीला अपेक्षित यश मिळाले नाही.
लातूर जिल्हा मध्यवर्ती सहकारी बँक निवडणुकीत धीरज देशमुख यांच्या नेतृत्वाखालील सहकार पॅनलने दणदणीत विजय मिळवला आहे. 19 पैकी 14 जागांवर सहकार पॅनलने बाजी मारली. या निवडणुकीत सहकार मंत्री बाबासाहेब पाटील यांनी देखील धीरज देशमुख यांच्या पॅनलला पाठिंबा दिला होता. विजयानंतर धीरज देशमुख आणि त्यांच्या समर्थकांनी जल्लोष केला. या विजयाबद्दल बोलताना धीरज देशमुख यांनी नमूद केले की, गेली 40 वर्षे ही बँक देशमुख कुटुंबीयांच्या मार्गदर्शनाखाली चालत आहे.
लातूर जिल्ह्यातील शेतकरी कुटुंबांनी आमच्यावर जी जबाबदारी दिली आहे, ती बँक अतिशय चांगल्या पद्धतीने सांभाळत आहे. मतदारांनी दिलेला कौल हा सकारात्मक काम आणि प्रचाराचे फलित आहे. येणाऱ्या काळात जनतेच्या अपेक्षा पूर्ण करण्यासाठी अधिक काम करण्याचे बळ या विजयामुळे मिळाल्याचे त्यांनी सांगितले. ही निवडणूक पक्षीय नसून सहकार तत्वावर लढली गेल्याचे त्यांनी स्पष्ट केले, जिथे जनतेने सहकार पॅनलवर विश्वास दाखवला.
