Reelstar Divya Shinde : Bigg Boss Marathi : बिग बॉस फेम रीलस्टार दिव्या शिंदेला अटक; पोलीस कोठडी सुनावली पण किती दिवसांची?

बिग बॉस फेम रीलस्टार दिव्या शिंदेला एका गंभीर गुन्ह्याप्रकरणी अटक करण्यात आली आहे. पाच लाखांच्या खंडणीसाठी कँन्टोनमेंट येथील एका माजी वैद्यकीय अधिकाऱ्यावर जीवघेणा हल्ला केल्याचा आरोप तिच्यावर आहे. या घटनेत दिव्या शिंदे हिने आपल्या साथीदारांसह 65 वर्षीय डॉक्टर विद्याधर गायकवाड यांच्यावर हल्ला केला.

पोलिसांनी दिलेल्या माहितीनुसार, डॉक्टर गायकवाड यांच्या डोक्यात धारदार हत्यारानं वार करण्यात आले. या हल्ल्यात ते गंभीर जखमी झाले आहेत. आरोपींनी केवळ हल्लाच केला नाही, तर डॉक्टर गायकवाड यांच्या घराचीही तोडफोड केली आणि त्यांची कारही घेऊन पळून गेले.

या प्रकरणी दिव्या शिंदेसह तिच्या साथीदारांना पोलिसांनी ताब्यात घेतले असून पुढील तपास सुरू आहे. टीव्ही 9 मराठीने दिलेल्या वृत्तानुसार, या घटनेमुळे मनोरंजन क्षेत्रात आणि समाजात मोठी खळबळ उडाली आहे. अधिक माहिती लवकरच समोर येईल.