अखेर TCS धर्मांतर प्रकरणी मोठी अपडेट समोर! एसआयटीच्या तपासानंतर थेट कारवाई

नाशिकच्या टीसीएस धर्मांतर आणि लैंगिक शोषण प्रकरणामध्ये एमआयएम नेते इम्तियाज जलील यांच्यावर नाशिक पोलिसांनी गुन्हा दाखल केला आहे. या प्रकरणातील मुख्य आरोपी निदा खान हिला आश्रय दिल्याप्रकरणी इम्तियाज जलील यांच्यावर ही कारवाई करण्यात आली आहे. नाशिक पोलिसांनी या प्रकरणाच्या तपासासाठी विशेष तपास पथक (एसआयटी) स्थापन केले होते.

या एसआयटीच्या तपासामध्ये इम्तियाज जलील यांच्याविरोधात पुरावे आढळल्याने त्यांच्यावर गुन्हा दाखल करण्यात आला आहे. निदा खानला आश्रय दिल्याचं उघडकीस आल्यानंतर ही कारवाई करण्यात आली आहे. या प्रकरणामुळे राज्यभरात गाजलेल्या टीसीएस धर्मांतर प्रकरणाला नवीन वळण मिळाले आहे. इम्तियाज जलील यांना पुढील चौकशीसाठी आणि न्यायालयीन प्रक्रियेसाठी आता हजर राहावे लागणार आहे.