ST Bus : लालपरी पूर्वपदावर, ST संपातील 74 हजार कर्मचारी कामावर रूजू

मुंबई : प्रवाशांसाठी आनंदाची बातमी आहे. राज्यातील एसटीचे (ST) 94 टक्के कर्मचारी कामावर परतले आहेत, अशी माहिती एसटी महामंडळाने दिली आहे.लालपरी पूर्वपदावर आली आहे. बुधवारी राज्यातील तेवीस हजारांहून अधिक एसटी फेऱ्या झाल्या. दरम्यान, एसटी पूर्वपदारव आल्यानं प्रवाशांना आताही राज्यात (State) प्रवास एसटीने करता येणार आहे. एसटी संपामुळे प्रवाशांचे मोठे हाल होतं होते. आता एसटी कर्मचारी कामावर रुजू होत असल्यानं प्रवाशांना आपल्या गावाला एसटीनं जाता येणार आहे. राज्यातील अनेक भागात एसटीने (ST Bus) प्रवासी जातात. कारण, अनेक ठिकाणी रेल्वेची अद्यापही सुविधा नाहीये. याठिकाणच्या प्रवाशांना मोठा दिलासा मिळाला आहे.