Kunal Kamra Updates : कुणाल कामराच्या CDR आणि बँक खात्यांची चौकशी होणार
Kunal Kamra Controversy : कॉमेडीयन कुणाल कामराचे CDR रेकॉर्डिंग तपासले जाणार आहेत. याबद्दल गृहराज्यमंत्री योगेश कदम यांनी विधानपरिषदेत माहिती दिली आहे.
कॉमेडीयन कुणाल कामराच्या अडचणी आता वाढण्याची शक्यता आहे. कुणाल कामरा याचे सर्व CDR आता तपासले जाणार आहेत. CDR सोबत कॉल रेकॉर्डिंग आणि बँक खात्याची देखील चौकशी केली जाणार आहे. गृहराज्यमंत्री योगेश कदम यांनी ही माहिती आज विधानपरिषद सभागृहात दिली आहे.
कुणाल कामरा याने शिंदेसेनेवर वादग्रस्त गाणं तयार केलं आहे. ते गाणं काल खासदार संजय राऊत यांनी ट्विट करून शेअर देखील केलं होतं. त्यानंतर महायुतीचे नेते आणि शिवसेना शिंदे गटाचे पदाधिकारी कार्यकर्ते आक्रमक झालेले आहेत. खार येथे असलेल्या कुणाल कामराच्या स्टुडिओची देखील शिंदे सेनेच्या कार्यकर्त्यांनी तोडफोड काल केली. कुणाल कामरा याने हे सर्व शिवसेना उबाठा गटाच्या नेत्यांच्या सांगण्यावरून केलं असल्याचा आरोप सत्ताधारी करत आहेत. त्यानंतर आता कुणाल कामराचे CDR सोबत कॉल रेकॉर्डिंग आणि बँक खात्याची देखील चौकशी केली जाणार आहे. बोलविता धनी कोण हे शोधणार असल्याचं मंत्री योगेश कदम यांनी म्हंटलं आहे.
नगरसेवक बनायचं असेल तर... इच्छुक उमेदवारांवर गडकरींचं खास शैलीत सल्ला
कल्याण-डोंबिवली महानगरपालिकेत भाजपचाच महापौर... नरेंद्र पवाराचा दावा
कार ते एक गुंठा जमीन, पुण्यात उमेदवाराकडून मतदारांना भन्नाट ऑफर्स
शेलारांना आठवले चावले, त्यांना पक्षात..संदीप देशपांडे यांची बोचरी टीका
