Navneet Rana vs Owaisi : महापालिकेच्या प्रचारात 6-6 मुलांचं चॅलेंज! नवनीत राणा आणि ओवेसी यांच्यात जुंपली

महापालिका निवडणुकीच्या प्रचारात सध्या मुलांच्या संख्येवरून राजकीय वातावरण तापले आहे. भाजप नेत्या नवनीत राणा यांनी हिंदूंना किमान तीन ते चार मुले जन्माला घालण्याचे आवाहन केले होते. राणा यांच्या या विधानावर एमआयएमचे प्रमुख असदुद्दीन ओवेसी यांनी प्रत्युत्तर दिले. आपण सहा मुलांना जन्म दिला असून, इतरांनाही अधिक मुले जन्माला घालण्यापासून कोणी थांबवत नसल्याचे त्यांनी म्हटले. राणा यांनी ओवेसींच्या विधानावर तीव्र प्रतिक्रिया व्यक्त करत, जास्त मुले जन्माला घालण्याची चर्चा करणाऱ्यांना पाकिस्तानात पाठवण्याची मागणी केली आहे. या शाब्दिक युद्धामुळे निवडणुकीच्या प्रचारात नवा मुद्दा उपस्थित झाला असून, दोन्ही नेत्यांकडून एकमेकांवर आरोप-प्रत्यारोप सुरू आहेत.