सफाई कर्मचाऱ्यांना हक्काचं घर मिळणार! महायुतीच्या जाहीरनाम्यात काय?

मुख्यमंत्री देवेंद्र फडणवीस यांनी महायुतीच्या माध्यमातून मुंबईत सुरू असलेल्या आणि आगामी विकासकामांची माहिती दिली. यामध्ये महत्त्वाचे म्हणजे महानगरपालिकेतील सफाई कर्मचाऱ्यांना मुंबईमध्ये मालकी हक्काची घरे देण्याचा निर्णय घेण्यात आला आहे. हा निर्णय यापूर्वी २०१ ९ मध्ये घेण्यात आला होता, परंतु उद्धव ठाकरे यांच्या सरकारने तो बदलला होता. आता महायुतीने तो पुन्हा अंमलात आणला आहे.

म्हाडा लेआउट्सच्या पुनर्विकासात पारदर्शकता आणली जाईल. यापुढे म्हाडा स्वतः विकसक म्हणून काम करेल आणि टेंडर पद्धतीने विकासक नियुक्त केले जातील, ज्यामुळे जमिनीची मालकी म्हाडाकडेच राहील. धारावी पुनर्विकास प्रकल्पात पात्र रहिवाशांना ३५० चौ.फूट घर मिळेल आणि लघु उद्योगांनाही प्रोत्साहन दिले जाईल. यासोबतच महानगरपालिकेच्या शाळांचे आधुनिकीकरण करून त्यांना कौशल्ययुक्त बनवले जाईल व मराठी भाषा प्रयोगशाळा स्थापन केल्या जातील.