Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा

मनोज जरांगे पाटील यांनी 500 कोटींची ऑडिओ क्लिप’ खरी असल्याचा दावा करत या प्रकरणातील सत्य बाहेर काढण्याची मागणी केली आहे. ज्यांना भीती नाही, त्यांनी शांत का बसावे, असा सवाल करत जरांगे यांनी या ऑडिओ क्लिपशी संबंधित व्यक्तींना आव्हान दिले आहे. त्यांच्या मते, हे प्रकरण गांभीर्याने न घेतल्यास मोठे राजकीय परिणाम होऊ शकतात. जरांगे यांनी या प्रकरणातील चौकशी समितीच्या स्थापनेवरही प्रश्नचिन्ह उपस्थित केले आहे.

गुन्हा दाखल होण्यापूर्वीच चौकशी समिती नेमणे हे चुकीचे असून, याचा अर्थ हे प्रकरण दाबण्याचा प्रयत्न सुरू आहे, असे त्यांनी म्हटले आहे. संबंधित व्यक्ती भाजपशी संबंधित असल्यामुळे त्यांच्यावर कारवाई झाली नाही, असा आरोपही जरांगे यांनी केला. मुख्यमंत्री एकनाथ शिंदे यांनी या प्रकरणाचे गांभीर्य ओळखून यातील सत्य शोधून काढले पाहिजे, असे आवाहन जरांगे यांनी केले आहे. अन्यथा, शिंदे यांच्या राजकीय प्रतिमेला मोठा धक्का बसू शकतो, असा इशारा त्यांनी दिला आहे. जरांगे यांनी त्यांच्याकडे या प्रकरणाशी संबंधित अनेक पुरावे असल्याचा दावाही केला आहे.