मुंबई : शिवसेना ठाकरे गट आणि शिंदे गटात झालेल्या राड्यानंतर दादर पोलिस ठाण्यात झालेल्या गोळीबार प्रकरणात ‘त्या’ गोळीसंदर्भातील अहवाल आला आहे. ती गोळी आमदार सदा सरवणकरांच्या बंदुकीतूनच सुटल्याची बाब समोर आली आहे. बॅलेस्टिक तज्ज्ञांच्या अहवालात घटनास्थळावरून जप्त केलेले काडतूस आणि त्यांच्या बंदुकीचे नमुने जुळले आहेत. त्यामुळे सरवणकर यांच्या अडचणींत भर पडली आहे. या राड्या प्रकरणात पोलिसांनी दोन्ही गटांविरोधात १५ सप्टेंबर रोजी गुन्हा नोंदवत तपास सुरू केला. यामध्ये पोलिस ठाण्याबाहेर जमलेल्या गर्दीदरम्यान सदा सरवणकर यांनी एक गोळी जमिनीच्या दिशेने झाडल्यामुळे खळबळ उडाली.