मुंबईमध्ये दत्तात्रय भरणेंच्या घराबाहेर आंदोलन; काय घडलं?

मुंबईमध्ये कृषीमंत्री दत्तात्रय भरणे यांच्या घराबाहेर छावा क्रांतीवीर सेनेच्या वतीने शेतकऱ्यांनी आंदोलन केले. कांदा आणि दुधाच्या वाढीव दराबाबत तात्काळ निर्णय घेण्याची मागणी आंदोलकांनी केली. तसेच, विधानसभेत कांद्याला हमीभाव जाहीर करावा, ही त्यांची प्रमुख मागणी होती.

आंदोलकांनी व्यक्त केले की, कृषीमंत्र्यांना नरिमन पॉईंटवर फिरायला वेळ आहे, परंतु शेतकऱ्यांचे निवेदन स्वीकारायला वेळ नाही. आम्ही नक्षलवादी किंवा गुंड नसून, शेतकऱ्यांची मुले आहोत आणि न्याय मागण्यासाठी आलो आहोत, असे आंदोलकांनी स्पष्ट केले. पोलीस प्रशासनाने आंदोलनाला मज्जाव केला असला तरी, शेतकऱ्यांनी शांततेने उभे राहून आपल्या भावना कृषीमंत्र्यांपर्यंत पोहोचवण्याचा प्रयत्न केला. मात्र, कृषीमंत्री आपल्या घराबाहेर येण्यास तयार नसल्याने आंदोलकांनी तीव्र निषेध व्यक्त केला. शेतकरी एकजुटीचा विजय असो आणि कांद्याला हमीभाव मिळालाच पाहिजे, अशा घोषणा यावेळी देण्यात आल्या.