दिया मिर्झाच्या व्हिडिओवर राजकीय टीका भोवली! मुंबई हायकोर्टाने अमित साटम यांना फटकारले

मुंबई हायकोर्टाने अभिनेत्री दिया मिर्झाच्या एका व्हिडिओवरील राजकीय टीकेची गंभीर दखल घेतली आहे. बीएमसीने दिवाळीमध्ये वायू प्रदूषण टाळण्यासाठी आणि प्रदूषणमुक्त दिवाळी साजरी करण्याच्या उद्देशाने जनजागृती मोहीम हाती घेतली होती. या मोहिमेअंतर्गत, अनेक सेलिब्रिटींकडून व्हिडिओ तयार करून ते पोस्ट करण्यात आले होते, ज्यात दिया मिर्झाचा एक व्हिडिओ देखील होता. या व्हिडिओवर भाजप नेते अमित साटम यांनी आक्षेप घेतला. दिया मिर्झा ही हिंदूविरोधी असून, तिने यापूर्वी सरकारच्या अनेक भूमिकांवर टीका केली असल्याचा आरोप करत साटम यांनी बीएमसीला प्रश्न विचारले होते. त्यांच्या या टीकेनंतर बीएमसीने दिया मिर्झाचा व्हिडिओ डिलीट केला होता.

मात्र, आता मुंबई हायकोर्टाने या प्रकरणाची दखल घेत राजकीय नेत्यांनी केलेल्या टीकेवर तीव्र नाराजी व्यक्त केली आहे. हायकोर्टाने भाजप नेते अमित साटम यांच्या भूमिकेवरही फटकारले असून, अशा सार्वजनिक जनजागृती मोहिमांमध्ये राजकीय टीका योग्य नसल्याचे स्पष्ट केले आहे. या निर्णयामुळे बीएमसीला दिलासा मिळाला आहे.