Mumbai Water Logging : ‘तो’ आपल्याला घाबरतोय… साचलेल्या पाण्यात दिसला साप अन् लोकांची पळापळ, बघा VIDEO

मुंबई आणि मुंबई उपनगरात पावसाने चांगलाच धुमाकूळ घातलाय. मुसळधार पावसामुळे अनेक सखोल भागात आणि रस्त्यांवर पाणी साचलंय तर दुसरीकडे बैठ्या घरा-घरांत पावसाचं पाणी शिरलंय. यामुळे नागरिकांची चांगलीच दाणादाण उडाली आहे. लोक आपला जीव वाचवण्यासाठी घराची दारं लावून आहे त्या परिस्थितीत घराबाहेर सुरक्षित स्थळी पोहोचण्याचा प्रयत्न करताना दिसताय. काही ठिकाणी पावसाच्या पाण्यात अडकलेल्या नागरिकांना सुरक्षित जागेवर स्थलांतरित करण्यासाठी एनडीआरएफचे पथक मदतीला सरसावलेत. मात्र या सगळ्यामध्ये एक व्हिडीओ सोशल मीडियावर चांगलाच व्हायरल होतोय. हा व्हिडीओ पाहून तुम्हाला देखील पावसाच्या साचलेल्या पाण्यातून चालण्यास, वाट शोधण्यास भिती वाटेल. कारण साचलेल्या पाण्यात साप सुसाट पोहोताना दिसतोय. पाण्यातून बाहेर पडत असताना लोकांना अचानक त्यांच्या जवळ साप येताना दिसताय त्यांची एकच घाबरगुंडी उडाली. बघा व्हिडीओ