Nagpur : कोर्टाचे निर्देश पाळण्याचं नागपूर पोलिसांचं आवाहन, धार्मिक स्थळांवरील भोंग्यांची माहिती घेण्यास सुरुवात

नागपूर : भोंग्यांवरुन (Loudspeaker) जातीय तेढ निर्माण होऊ नये म्हणून गृहविभाग अलर्टवर आहे. राज्यात ठिकठिकाणी भोंग्यांसंदर्भात नियमांचे पालन केलं जातंय की नाही, याची खातरजमा केली जात आहे. यातच कोर्टाचे (Court) निर्देश पाळण्याचं नागपूर पोलिसांचं (Police) आवाहन आहे. नागपुरात धार्मिक स्थळांवरील भोंग्यांची माहिती घेण्यास सुरुवात करण्यात आली आहे. नियमांचं उल्लंघन केल्यास कारवाईचा इशाराही देण्यात आलाय. नागपुरात 893 मंदिर आणि 383 मशिदी आहेत.