मुंबई : विजयादशमीचा सण संपूर्ण भारतात मोठ्या उत्साहात साजरा केला जात आहे. राज्यात दसऱ्याचा उत्साह पाहायला मिळत आहे. बाजारपेठा फुलल्या आहेत. महाराष्ट्रात दसऱ्याला राजकीय दृष्ट्याही मोठं महत्त्व असते. आज, शिवसेनाचा दसरा मेळावाही पार पडणार आहे. तर नागपुरात राष्ट्रीय स्वयंसेवक संघाकडून दसऱ्याच्या मुहूर्तावर शस्त्रपूजनही होणार आहे. तर, बीड येथील भगवान गडावर दसरा मेळावा पार पडणार आहे. यावेळी सावरगाव घाट येथे पंकजा मुंडेचा दसरा मेळावा होणार आहे. खासदार प्रीतम मुंडे गोपीनाथ गडावरुन सावरगावकडे रवाना झाल्या आहेत.