MHADA Lottery | पुण्यात घरं घेण्याचं स्वप्न होणार साकार, कधी निघणार 5 हजार 863 घरांची सोडत?

पुणे, ६ सप्टेंबर २०२३ | पुण्यातील म्हाडाच्या घरांसाठी अर्ज प्रक्रिया सुरू झाली असून पुणे मंडळातील एकूण 5 हजार 863 घरांसाठी ही प्रक्रिया सुरु केली आहे. या घरांकरता नागरिकांना 5 सप्टेंबरपासून ते 29 सप्टेंबरपर्यंत ऑनलाईन अर्ज करता येणार आहे. यानंतर 18 ऑक्टोबर रोजी या घरांसाठी सोडत निघणार आहे. म्हाडाच्या घरांसाठी अत्यल्प, अल्प, माध्यम आणि उच्च अशा चार गटात पुण्यातील म्हाडाच्या घरांसाठी अर्ज करता येणार आहे. यापूर्वी मार्चमध्ये पुणे मंडळाने सुमारे 6 हजार घरांची सोडत काढली होती. यानंतर आता ही सोडत निघणार आहे. मुंबईमधील म्हाडाच्या घरांची नुकतीच लॉटरी काढण्यात आली होती. त्यावेळी मुख्यमंत्री एकनाथ शिंदे यांनी पुणे शहरात देखील लवकरच म्हाडाची लॉटरी काढण्यात येणार असल्याचे सांगितले होते.