Ravindra Dhangekar : ही याची लायकी आणि चालला पंगा घ्यायला…; रवींद्र धंगेकरांचं नवनाथ बन यांना पुन्हा डिवचणारं ट्वीट

राजकीय वर्तुळातून एक महत्त्वाची बातमी समोर आली आहे. रवींद्र धंगेकर यांनी भाजप नेते नवनाथ बन यांना उद्देशून एक ट्वीट केले आहे. या ट्वीटद्वारे धंगेकरांनी नवनाथ बन यांना पुन्हा एकदा डिवचले आहे.

धंगेकर यांनी आपल्या ट्वीटमध्ये एक कार्टून पोस्ट केले आहे. या कार्टूनमध्ये भाजपच्या कार्यालयाबाहेर एका कुत्र्याला खाण्यासाठी पाव देतानाचे दृश्य दाखवण्यात आले आहे. हे कार्टून पोस्ट करत धंगेकरांनी नवनाथ बन यांच्यावर उपहासात्मक टीका केली. त्यांनी आपल्या ट्वीटमध्ये “ही याची लायकी आणि चालला पंगा घ्यायला” असा उल्लेख केला.

पुढे तीव्र शब्दांत त्यांनी नवनाथ बन यांना उद्देशून म्हटले आहे की, “अरे बेट्या तुझे मालक लोक पण वाकड्यात जात नाहीत आमच्या, कधी तुझी नसबंदी होईल कळणार सुद्धा नाही तुला.” या ट्वीटमुळे राजकीय वर्तुळात चांगलीच चर्चा सुरू झाली आहे. रवींद्र धंगेकर यांनी हे ट्वीट करून नवनाथ बन यांना स्पष्टपणे आव्हान दिले आहे.