Rohit Pawar Met Tukaram Mundhe: रोहित पवार FDA कार्यालयात; तुकाराम मुंढेंच्या भेटीला; कारण काय?

राष्ट्रवादी काँग्रेसचे आमदार रोहित पवार यांनी एफडीए कार्यालयात जाऊन आयुक्त तुकाराम मुंढे यांची भेट घेतली. या भेटीमुळे राजकीय आणि प्रशासकीय वर्तुळात चर्चा सुरू झाली आहे. एमपीएससी परीक्षांमध्ये झालेल्या कथित गैरव्यवहारांची सुरू असलेली न्यायदंडाधिकारी चौकशी आणि त्या संदर्भात विद्यार्थ्यांच्या मागण्यांवर चर्चा करण्यासाठी ही भेट होती. रोहित पवार यांच्यासोबत विद्यार्थ्यांनी तुकाराम मुंढे (जे या चौकशी समितीचे सचिव आहेत) यांना ड्रग इन्स्पेक्टर आणि गट ब परीक्षांशी संबंधित अतिरिक्त पुरावे सादर केले. ज्या विद्यार्थ्यांनी आंदोलनाचे नेतृत्व केले होते, त्यांनी हे पुरावे दिले. याव्यतिरिक्त इतर नऊ परीक्षांमधील कथित अनियमिततेवरही चर्चा झाली.

विद्यार्थ्यांच्या मागणीनुसार, डिपार्टमेंटल पीएसआय, एक्साईज आणि सिव्हिल २३ यांसारख्या महत्त्वाच्या परीक्षांचाही या चौकशीत समावेश करण्यात यावा अशी अपेक्षा व्यक्त करण्यात आली. यापूर्वी मुख्य सचिवांना पत्र पाठवून चौकशीची व्याप्ती वाढवण्याची मागणी केली होती, परंतु अजूनही त्याबाबत आदेश निघालेला नाही. या चौकशीतून योग्य दिशा मिळेल असा विश्वास रोहित पवारांनी व्यक्त केला. उद्या अतिरिक्त पुरावे प्रतिज्ञापत्राद्वारे सादर केले जातील असेही त्यांनी सांगितले.