सोलापुरात मध्यरात्री पावसाची हजेरी; आजचं तापमान किती?

सोलापूर : राज्याच्या अनेक भागात अवकाळी पाऊस पडतोय. सोलापूर शहर आणि जिल्ह्यातही मध्यरात्री पावसाने हजेरी लावली. दिवसभर उकड्याने हैराण झालेले सोलापूरकर पावसामुळे सुखावले आहेत. मात्र मध्यरात्री आलेल्या पावसामुळे अनेक ठिकाणी वीजपुरवठा खंडित झाला आहे. हवामान विभागाने 13, 14 आणि 15 एप्रिल रोजी सोलापूर जिल्ह्यात यलो अलर्ट जारी केला होता. हवामान विभागाने दिलेल्या अंदाजानुसार दिवसभर ढगाळ वातावरण होतं. तर मध्यरात्री पावसाची हजेरी लावली. तर सोलापूरचं आजचं तापमान 40.8° सेल्सिअस आहे. त्यामुळे एकीकडे कडाक्याचं ऊन तर दुसरीकडे अवकाळी पावसाच्या सरी असं सोलापुरात वातावरण आहे.