अजित दादांनी पुण्यासाठी जी स्वप्न पाहिलीत ती…; सुनेत्रा पवार भावुक

पुण्यातील सावित्रीबाई फुले विद्यापीठ चौकातील एकात्मिक दुमजली उड्डाणपुलाचे लोकार्पण राज्याचे मुख्यमंत्री देवेंद्र फडणवीस यांच्या हस्ते ऑनलाइन पद्धतीने पार पडले. या महत्त्वपूर्ण प्रसंगी सुनेत्रा पवार यांनी मनोगत व्यक्त केले. त्यांनी पुणेकरांना या उड्डाणपुलामुळे वाहतूक कोंडीतून मोठा दिलासा मिळेल असे सांगितले. हा दिवस पुणेकरांसाठी अत्यंत महत्त्वाचा असल्याचे त्या म्हणाल्या, तसेच जागतिक महिला दिनाच्या शुभेच्छाही दिल्या.

या उड्डाणपुलाच्या उभारणीत अजित पवारांची दूरदृष्टी आणि सातत्यपूर्ण पाठपुरावा महत्त्वाचा ठरल्याचे सुनेत्रा पवार यांनी नमूद केले. जुना पूल पाडून आधुनिक दुमजली उड्डाणपूल उभारण्याचा धाडसी निर्णय अजित पवारांनी घेतला. कोरोना काळातही त्यांनी या प्रकल्पावर बारकाईने लक्ष ठेवून काम वेगाने पूर्ण करून घेतल्याचे त्यांनी सांगितले. पुणे शहराचा सर्वांगीण विकास आणि दर्जेदार पायाभूत सुविधा निर्माण करणे हे आपले ध्येय असेल, असे सांगत त्यांनी अजित पवारांनी पाहिलेली स्वप्ने पूर्ण करण्याचा निर्धार व्यक्त केला.