ठाणे : मनसेचे ठाणे आणि पालघर जिल्हाध्यक्ष अविनाश जाधव यांना जीवे मारण्याची धमकी देण्यात आली आहे. याप्रकरणी सोशल मीडियावर एक ऑडिओ क्लिप व्हायरल होत असून ऑडिओ क्लिपमध्ये अविनाश जाधव यांना जीवे मारण्याची धमकी देण्यात आल्याचा आरोप करण्यात येत आहे. या प्रकरणी मनसे ठाणे शहर अध्यक्ष रवींद्र मोरे यांनी ठाण्याच्या नौपाडा पोलीस ठाण्यात तक्रार दाखल केली आहे. अविनाश जाधव यांनी मुंब्रा येथील डोंगरावर अनधिकृत दर्ग्यांवर चौकशी करून हटवण्याची मागणी केली होती. त्यानंतर सोशल मीडियावर एक ऑडिओ क्लिप व्हायरल होत आहे. या ऑडिओ क्लिपमध्ये ‘हम उसे जिंदा नही छोडेंगे, ये बच नही पाएंगे’, असा उल्लेख करण्यात आल्याचा दावा करण्यात आला आहे.