Uddhav Thackray : कमळाबाईनं स्वतःचं कमळ फुलवलं अन् जनतेच्या आयुष्याचा चिखल.. ठाकरेंनी भाजपवर तोफ डागली

दसरा मेळाव्याच्या निमित्ताने उद्धव ठाकरे यांनी महाराष्ट्रातील सद्यस्थितीवर भाष्य करत कमळाबाईवर म्हणजेच भाजप गंभीर आरोप केले. ठाकरे यांनी असे म्हटले की, कमळाबाईने स्वतःचे कमळ फुलवले, पण जनतेच्या आयुष्यात चिखल केला. शिवसेनेत फूट पाडण्याच्या प्रयत्नांवरही त्यांनी भाष्य केले. संजय राऊत यांच्या उल्लेखातून त्यांनी राजकीय विरोधाला प्रतिउत्तर दिले. ठाकरे यांनी शेतकऱ्यांच्या दुर्दशेवर चिंता व्यक्त केली.

अन्नधान्य पुरवणारा शेतकरी आज “काय खाऊ?” असा प्रश्न विचारत आहे, असे ते म्हणाले. मराठवाड्यासारख्या एकेकाळी अवर्षणग्रस्त असलेल्या प्रदेशात आता अतिवृष्टीमुळे आपत्तीजनक परिस्थिती निर्माण झाली आहे. हे संकट मोठे असून, सर्व शिवसैनिकांना मराठवाड्यातील शेतकरी आणि आपदग्रस्तांना शक्य ती मदत करण्याचे आवाहन उद्धव ठाकरे यांनी केले. सध्या सरकारमध्ये नसलो तरी, मदतीसाठी पुढे येण्याची भूमिका त्यांनी मांडली.