उद्धव ठाकरे यांच्या हस्ते आमदार चषक-२०२५ लोगो अनावरण

मातोश्री निवासस्थानी शिवसेना पक्षप्रमुख उद्धव ठाकरे यांच्या शुभहस्ते आमदार चषक २०२५ क्रिकेट स्पर्धेच्या टी-शर्ट आणि लोगोचे अनावरण करण्यात आले. या अनावरणाच्या कार्यक्रमाला स्पर्धेचे आयोजक, संघाचे मालक आणि कर्णधार उपस्थित होते.

आयोजक हरुण खान यांनी माहिती दिली की, ही क्रिकेट स्पर्धा २३ नोव्हेंबर ते २८ नोव्हेंबर या कालावधीत छत्रपती शिवाजी महाराज क्रीडा संकुल, विरार देसाई येथे आयोजित केली जाणार आहे. ही स्पर्धा दिवस-रात्र स्वरूपात दुपारी दोन ते रात्री दहा वाजेपर्यंत खेळवली जाईल. स्पर्धेत देशभरातील आठ संघ आणि वरसोवा विधानसभा मतदारसंघातून १६ संघ सहभागी होणार आहेत. उद्धव ठाकरे यांनी या कार्यक्रमाला उपस्थित राहिल्याबद्दल आयोजकांनी त्यांचे आभार मानले.