Nirmala Sitharaman Budget 2026 Speech LIVE Streaming : आज केंद्रीय अर्थसंकल्प सादर होणार! सर्वसामान्यांच्या अपेक्षा पूर्ण होणार का? पाहा बजेटचे लाईव्ह अपडेट्स टीव्ही9 मराठीवर

केंद्रीय अर्थमंत्री निर्मला सीतारामण आज केंद्रीय अर्थसंकल्प २०२६ सादर करणार आहेत. हा त्यांचा सलग नववा अर्थसंकल्प असून, एक प्रकारचा विक्रम आहे. या अर्थसंकल्पातून सर्वसामान्यांच्या आशा-आकांक्षा पूर्ण होतील अशी अपेक्षा आहे. विशेषतः, रोजगार निर्मितीवर अधिक भर दिला जाण्याची शक्यता आहे.

देशासमोरील सध्याची आर्थिक आव्हाने, जसे की अमेरिकेने लादलेले टॅरिफ आणि रुपयाचे अवमूल्यन, यावर अर्थसंकल्पातून कसे उपाय योजले जातात, याकडे सर्वांचे लक्ष लागले आहे. निर्मला सीतारामण गेल्या काही वर्षांपासून सादर करत असलेला हा ई-पेपरलेस अर्थसंकल्प असेल. अर्थसंकल्प सादर करण्यापूर्वी तो केंद्रीय मंत्रिमंडळासमोर मंजुरीसाठी ठेवला जाईल आणि त्यानंतर सकाळी अकरा वाजता सादर होईल.

आज रविवारी अर्थसंकल्प सादर होत आहे, जी गेल्या अनेक वर्षांनंतरची एक दुर्मिळ घटना आहे. शेती, उद्योग, एमएसएमई, विमा तसेच वाढत्या सोन्या-चांदीच्या दरांवर अर्थसंकल्पातून काय घोषणा होतात, हे पाहणे महत्त्वाचे ठरेल. शेती क्षेत्रासाठी भरीव तरतूद अपेक्षित आहे.