आजोबांनी 54 वर्ष राखलेला गड नातवाने गमावला

सांगोल्यात शिवसेनेचे उमेदवार शहाजी बापू पाटील यांना 99 हजार 464 मतं मिळाली, तर अनिकेत देशमुख यांना 98 हजार 696 मतं पडली

आजोबांनी 54 वर्ष राखलेला गड नातवाने गमावला
Follow us
| Updated on: Oct 25, 2019 | 12:32 PM

पंढरपूर : तब्बल अकरा वेळा आमदार होण्याचा मान मिळवत विश्वविक्रम रचणाऱ्या 94 वर्षीय गणपतराव देशमुख यांचा गड राखण्यात नातू अनिकेत देशमुख यांना अपयश (Aniket Deshmukh lost in Sangola) आलं आहे. सांगोला मतदारसंघातून शेकापच्या तिकीटावर निवडणुकीत उतरलेल्या अनिकेत देशमुखांना मतदारांनी नाकारलं.

सांगोल्यातून शिवसेनेचे उमेदवार शहाजी बापू पाटील यांनी बाजी मारली आहे. गेली 54 वर्ष सांगोल्याचं नेतृत्व करणाऱ्या गणपतराव देशमुख यांना निवडणुकीत उतरण्याचं आवाहन जनतेने केलं होतं. मात्र देशमुखांनी समर्थकांचा आग्रह मोडत निवडणुकीत न उतरण्याच्या भूमिकेवर ठाम राहणं पसंत केलं.

शेतकरी कामगार पक्षाने गणपतरावांच्या ऐवजी नातू डॉ. अनिकेत देशमुख यांना तिकीट दिलं. या घराणेशाहीमुळे शेकापच्या काही कार्यकर्त्यांमध्ये नाराजीचं वातावरणही होतं. याचाच फटका अखेर अनिकेत देशमुख यांना (Aniket Deshmukh lost in Sangola) बसल्याचं दिसत आहे.

शिवसेनेचे उमेदवार शहाजी बापू पाटील यांना 99 हजार 464 मतं मिळाली, तर अनिकेत देशमुख यांना 98 हजार 696 मतं पडली. त्यामुळे अनिकेत देशमुख यांना या अटीतटीच्या लढतीत 768 मतांच्या फरकामुळे निसटता पराभव स्वीकारावा लागला. विशेष म्हणजे ‘नोटा’ला 700 मतं मिळाली. एकूण 20 उमेदवार सांगोल्याच्या रिंगणात उतरले होते.

गणपतराव देशमुख यांनी 2014 मधील सांगोला विधानसभा निवडणुकीत 94 हजार 374 मतं मिळवत एकहाती विजय साकारला होता.

Maharashtra Assembly 2019 Big Fights | धाकधूक वाढवणाऱ्या 40 मोठ्या लढतींचा निकाल

देशमुख 1962 मध्ये पहिल्यांदा आमदार झाले. 1972 आणि 1995 चा अपवाद वगळता, ते सातत्याने विजयी झाले आहेत. गणपतरावांच्या या विजयामुळे शेतकरी कामगार पक्षाची ताकद सांगोला मतदारसंघात वाढली होती (Aniket Deshmukh lost in Sangola).

तामिळनाडूचे माजी मुख्यमंत्री एम करुणानिधी दहा वेळा विजयी झाले होते. 2009 च्या निवडणुकीत विजय मिळवून करुणानिधी यांच्या पाठोपाठ दहाव्यांदा आमदारकीची निवडणूक जिंकणारे देशमुख (Sangola MLA Ganpatrao Deshmukh) हे देशातले दुसरे आमदार ठरले होते. 2014 मध्ये त्यांनी हा विक्रम मोडित एकमेवाद्वितीय होण्याचा मान पटकावला.

अत्यंत साधी राहणी असलेल्या गणपतरावांनी तब्बल 54 वर्षे सांगोल्याचे प्रतिनिधित्व केले आहे. 2012 मध्ये आमदार म्हणून विधानसभेतील त्यांच्या सहभागास 50 वर्षे पूर्ण झाल्याबद्दल सभागृहाने तसेच सरकारने त्यांचा गौरव केला होता.

गणपतराव देशमुख हे बहुतांश काळ विरोधी बाकांवरच होते, मात्र 1978 मध्ये शरद पवार यांनी पुलोद सरकार स्थापले तेव्हा आणि 1999 मध्ये शेकापने काँग्रेस आघाडी सरकारला पाठिंबा दिला तेव्हा, अशा दोन वेळा गणपतराव देशमुख यांचा मंत्रिमंडळात समावेश झाला होता.

1962 पासून आमदार, गणपतराव देशमुख यंदा निवडणूक लढवणार नाहीत

एक पक्ष एक व्यक्ती एक मतदारसंघ म्हणून सांगोला विधानसभा मतदारसंघाला ओळखले जाते. सांगोला विधानसभा मतदारसंघांमध्ये धनगर समाजाची मतदार संख्या सर्वाधिक आहे. यानंतर मराठा समाज या भागात आहे. यामुळे गणपतराव देशमुख यांना निवडून येणे अधिक सोपं जात होते. परंतु यंदा मतदारांनी शिवसेनेला कौल (Aniket Deshmukh lost in Sangola) दिला.

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.