केवळ 2,499 रुपयात घरी न्या होंडाची शानदार बाईक आणि स्कूटर, मिळवा 5000 रुपयांचा कॅशबॅक

मुंबई : देशातील लोकप्रिय टू-व्हीलर निर्माता कंपनी होंडा (Honda) त्यांच्या लोकप्रिय स्कूटर आणि बाईकवर शानदार ऑफर देत आहे. कंपनीच्या म्हणण्यानुसार तुम्ही फक्त 2499 रुपयांच्या डाउन पेमेंटद्वारे त्यांची लोकप्रिय बाईक होंडा शाईन (Honda Shine) आणि स्कूटर अ‍ॅक्टिव्हा (Activa) घरी घेऊन जाऊ शकता. या दोन्ही दुचाकी वाहनांवर तुम्ही 100 टक्के फायनान्ससुद्धा मिळवू शकता आणि त्यासाठी तुम्हाला केवळ 6.5 टक्के दराने व्याज द्यावे लागेल. (Buy Honda shine and Honda activa 6G by paying down payment of Rs 2499 and get cashback of rs 5000)

सोबतच तुम्ही बाईक घेताना डेबिट किंवा क्रेडिट कार्डद्वारे पैसे भरल्यास तुम्हाला 5000 रुपयांपर्यंतचा कॅशबॅकही मिळू शकतो. तर तुम्ही या ऑफरचा कसा फायदा घेऊ शकता आणि या दुचाकी वाहनांमध्ये काय खास आहे ते जाणून घेऊया.

Honda Shine काय आहे खास?

होंडाच्या या बाईकमध्ये तुम्हाला सिंगल सिलिंडर आणि एअर कूल्ड सिस्टिम देण्यात आली आहे. याशिवाय आपणास 125 सीसी इंजिन मिळेल जे 10.59hp ची पॉवर आणि 11 एनएमची टॉर्क जनरेट करेल. या बाईकच्या इंजिनसह, आपल्याला 5-स्पीड गिअरबॉक्स मिळेल. कंपनीचे म्हणणे आहे की होंडा शाईन बीएस 6 (BS6) मॉडेलच्या मायलेजमध्ये 14 टक्क्यांपर्यंत वाढ झाली आहे. उत्कृष्ट फ्यूल इंजेक्शन सिस्टिममुळे, या बाईकचा थ्रॉटल रिस्पॉन्स अचूक झाला आहे. बाईकच्या किंमतीबद्दल सांगायचे तर या बाईकच्या ड्रम व्हेरिएंटची एक्स-शोरूम किंमत 68,812 रुपये आहे आणि डिस्क व्हेरिएंटची एक्स-शोरूम किंमत 73,512 रुपये इतकी आहे.

Honda Activa 6G मध्ये काय आहे खास?

बाजारात या स्कूटरचे दोन व्हेरिएंट्स उपलब्ध आहेत, ज्यात स्टँडर्ड व्हेरिएंटची एक्स-शोरूम किंमत 66,816 रुपये आणि डीएलएक्स व्हेरिएंटची एक्स-शोरूम किंमत 68,316 रुपये इतकी आहे. यात 109 सीसी इंजिन देण्यात आलं आहे जे एफआयएस तंत्रज्ञानाने (फ्यूल इंजेक्शन सिस्टम टेक्नॉलॉजी) सुसज्ज आहे. हे इंजिन 8,000 आरपीएम वर 7.68 बीएचपी आणि 5,250 आरपीएम वर 8.79 एनएम पीक टॉर्कची उर्जा उत्पन्न करते.

Activa 6G ही स्कूटर Activa 5G च्या तुलनेत 10 टक्के अधिक मायलेज देते, असा कंपनीचा दावा आहे. कंपनीच्या मते Activa 6G चं सरासरी मायलेज 55 ते 60 किलोमीटर इतकं आहे. या स्कूटरमध्ये रिमोट हॅच ओपनिंग, मल्टी-फंक्शन की तसेच इतर वैशिष्ट्ये आहेत. बाह्य इंधन भरण्यासाठीची कॅप (एक्सटर्नल फ्यूल फिलिंग कॅप) या स्कूटरमध्ये देण्यात आली आहे. यासह सीटच्या खाली 18 लिटर बूट स्पेस देण्यात आली आहे.

‘इंडियन कार ऑफ द ईयर’ पुरस्काराचा मान Hyundai च्या ‘या’ गाडीला, इलेक्ट्रिक कार्समध्ये Tata ची बाजी#CarOfTheYear #Hyundai #Tata #Mahindra https://t.co/jXULHFspz2

— TV9 Marathi (@TV9Marathi) February 28, 2021

इतर बातम्या

लाँचिंगपूर्वीच Kawasaki Ninja 300 साठी बुकिंग सुरु, जाणून घ्या किंमत आणि फीचर्स

कमी किंमत, नवे दमदार फीचर्स, 2021 TVS Star City Plus चा टीझर लाँच

(Buy Honda shine and Honda activa 6G by paying down payment of Rs 2499 and get cashback of rs 5000)