Hyundai सादर करणार ‘मेड फर्स्ट फॉर इंडिया’ SUV, जाणून घ्या 7 सीटर कारचे फीचर्स

HMIL कंपनी यावर्षी अलकाझार (Hyundai Alcazar) मॉडेलच्या जागतिक पदार्पणासह भारतातल्या 7 सीटर प्रीमियम एसयूव्ही सेगमेंटमध्ये प्रवेश करणार आहे.

प्रातिनिधिक फोटो

अक्षय चोरगे, टीव्ही 9 मराठी डिजीटल टीम | Updated on: Feb 24, 2021 | 3:18 PM

मुंबई : ह्युंदाय मोटर इंडिया लिमिटेडने (HMIL) बुधवारी सांगितले की, कंपनी यावर्षी अलकाझार (Hyundai Alcazar) मॉडेलच्या जागतिक पदार्पणासह भारतातल्या सात सीटर प्रीमियम एसयूव्ही सेगमेंटमध्ये प्रवेश करणार आहे. ग्राहक बिझनेस ट्रॅव्हल करत असेल अथवा कौटुंबिक सहलीवर असेल, ह्युंदाय अलकाझार ग्राहकांना गतिशीलता प्रदान करेल, असं कंपनीने म्हटलं आहे. (Hyundai to enter 7-seater premium SUV space in India with Alcazar launch)

HMIL चे व्यवस्थापकीय संचालक आणि मुख्य कार्यकारी अधिकारी एसएस किम म्हणाले की, “2021 हे वर्ष एचएमआयएलच्या इतिहासामध्ये एक नवीन अध्याय जोडेल, कारण आम्ही नवीन सेगमेंटमध्ये प्रवेश करून त्यास नव्याने डिफाईन करण्यास तयार आहोत. देशात ह्युंदायला 25 वर्ष पूर्ण झाली आहेत. त्याबद्दल बोलताना किम म्हणाले की, “आम्ही ह्युंदाय Alcazar च्या जागतिक लाँचिंगसह भारतीय ग्राहकांप्रती आमच्या वचनबद्धतेवर जोर देऊ. Hyundai Alcazar सात सीटर एसयूव्ही सेगमेंटमध्ये प्रवेश करेल, या सेगमेंटमध्ये महिंद्रा एक्सयूव्ही 500, नुकत्याच लाँच झालेली 2021 टाटा सफारी आणि एमजी हेक्टर प्लस या एसयूव्हींना ह्युंदायची Alcazar टक्कर देईल.

HMIL ने म्हटले आहे की Alcazar लक्झरी डिझाईनकडून प्रेरित आहे, जे आकर्षक आणि प्रशस्त तसेच मजबुतीचं प्रतीक आहे. ही कार अत्याधुनिक, नाविन्यपूर्ण आणि टेक्नोसॅव्ही ग्राहकांना डोळ्यासमोर ठेवून डिझाईन करण्यात आली आहे. तथापि, कंपनीने त्यांच्या या आगामी उत्पादनाशी संबंधित अधिक माहिती दिलेली नाही.

ह्युंदाय कंपनी भारतातला त्यांचा उत्पादन पोर्टफोलिओ आणि कार लाँचिंगचं प्रमाण वाढवण्यासाठी 3200 कोटी रुपयांची गुंतवणूक करणार आहे. कंपनी आता ग्रीन मोबिलिटीमध्ये गुंतवणूक करणार आहे. जेणेकरून लोकल ऑपरेशन्स मजबूत होऊ शकतील. कंपनी भारतात अनेक इलेक्ट्रिक वाहनं लाँच करण्याच्या तयारीत असल्याचे बोलले जात आहे. कंपनी त्यासाठी तब्बल 1000 कोटी रुपयांची गुंतवणूक करणार आहे. ह्युंदाय आगामी काळात अनेक वाहनं लाँच करण्याच्या तयारीत आहे. या यादीमध्ये अनेक इलेक्ट्रिक वाहनांचादेखील समावेश आहे. दक्षिण कोरियन कार निर्मात्या कंपनीने भारतात 25 वर्षे पूर्ण केली आहेत आणि देशांतर्गत प्रवासी वाहन बाजारात (पँसेंजर व्हीकल मार्केट) कंपनीचा एकूण 17 टक्के वाटा आहे.

कंपनीचे व्यवस्थापकीय संचालक एसएस किम म्हणाले की, भविष्यात चांगल्या वृद्धीसाठी इलेक्ट्रिक मोबिलिटी हा एक महत्त्वपूर्ण घटक आहे. भविष्यात प्रॉडक्ट लाइनअपमध्ये अशा अनेक मेड इन इंडिया इलेक्ट्रिक कार असतील ज्या अतिशय कमी किंमतीत बनवल्या जातील. यासाठी कंपनी 1000 कोटी रुपयांची गुंतवणूक करणार आहे.

नव्या फेसलिफ्ट लूकसह Maruti Suzuki Swift चं अपडेटेड व्हर्जन बाजारात#MarutiSuzuki #SuzukiSwift #MarutiSuzukiSwift https://t.co/8w0HCncKSA

— TV9 Marathi (@TV9Marathi) February 24, 2021