ह्युंदाईची वेन्यू फेसलिफ्ट कार होणार लाँच…‘अशी’ देईल ब्रेझाला टक्कर, काय आहेत खास वैशिष्ट्ये

दक्षिण कोरियाची प्रसिद्ध कार निर्माता कंपनी ह्युंदाईची (Hyundai) नवीन कार ह्युंदाई वेन्यू फेसलिफ्ट (Hyundai Venue) कार या आठवड्यात लाँच होणार असून या कारमध्ये अनेक नवीन फीचर्स पाहायला मिळणार आहेत. यासोबतच या अपकमिंग कारच्या डिझाईनमध्ये काही महत्त्वाचे बदलही पाहायला मिळणार आहेत. ही कार 16 जून रोजी लाँच केली जाणार आहे. एका रिपोर्टनुसार, ह्युंदाईला आपल्या या अपकमिंग कारच्या मदतीने मारुती सुझुकी ब्रेझाशी (Maruti Suzuki Brezza) स्पर्धा करायची आहे. त्यामुळे ह्युंदाईची अपकमिंग कार लाँच होताच ती ब्रेझाला टक्कर देण्याची शक्यता वर्तविण्यात येत आहे. पुढील काही मुद्यांच्या आधारे या कारबद्दल अधिक माहिती घेणार आहोत.

1) डिझाइन

ह्युंदाई वेन्यूच्या डिझाईनबद्दल बोलायचे झाले, तर त्यात फ्रंट ग्रील अपडेट करण्यात आले आहेत, यामुळे या नवीन कारला एकदम फ्रेश आणि आकर्षक लुक मिळण्यास मदत झाली आहे. कारचे प्रोडक्शन करताना क्रोम ग्रीलचा वापर करण्यात आला असून तो, अल्काझार कार आणि आगामी क्रेटाच्या डिझाइनशी मिळताजुळता दिसत आहे. याशिवाय, या वाहनातील टेल-लाइट्स देखील कनेक्ट केलेल्या लाइट सेटअपसह अपग्रेड करण्यात आलेले आहेत.

2) तीन इंजिन पर्याय

ही कार तीन इंजिन पर्यायांमध्ये उपलब्ध आहे. यामध्ये दोन पेट्रोल पॉवरट्रेन आणि एक डिझेल व्हेरिएंट उपलब्ध असेल. ही कार Kappa 1.2L MPI पेट्रोल इंजिन, One Kappa 1.0 Turbo GDI पेट्रोल इंजिन आणि U2 1.5 CRDi डिझेल इंजिनसह दिसेल.

3) सात रंगांचा पर्याय

ह्युंदाईची ही कार सात रंगांच्या पर्यायांमध्ये उपलब्ध असेल. यामध्ये टायफून सिल्व्हर, टायटन ग्रे, डेनिम ब्लू, फँटम ब्लॅक, पोलर व्हाइट, फायरी रेड, फँटम ब्लॅक रूफसह फायरी रेड सारख्या अनेक आकर्षक रंगांचा समावेश आहे.

4) इतर फीचर्स

वरील सर्व फीचर्सशिवाय सर्व प्रकारच्या नवीन अपग्रेड Hyundai Venue मध्ये देखील दिसून येणार आहेत. यामध्ये विविध प्रादेशिक भाषांसाठी सपोर्ट, नवीन ड्राइव्ह मोड सिलेक्टर, मागील प्रवाशांसाठी दोन-स्टेप रिक्लाइनिंग सीट आणि 60 कनेक्टेड कार आदी विविध फीचर्सचा समावेश करण्यात आला आहे.