Wagon R पेक्षा ही कार स्वस्त, किंमत, फीचर्स जाणून घ्या
सिट्रोएन इंडियाने GST कपातीचे स्वागत करत आपल्या कारच्या किंमती कमी केल्या आहेत. चला तर मग याविषयीची माहिती पुढे जाणून घेऊया.
तुम्हाला नवी कार खरेदी करायची असेल तर ही बातमी नक्की वाचा. सिट्रोएन इंडिया कंपनीने 2.70 लाख रुपयांपर्यंत कमी केले आहे. आता यामुळे सिट्रोएन कारची किंमत आता 4.80 लाख रुपयांपासून सुरू होत आहे. चला तर मग याविषयीची माहिती पुढे जाणून घेऊया.
GST कमी झाल्याने वाहनांचे दरही कमी होत आहेत. टाटा, महिंद्रा, रेनॉल्टसह अनेक कंपन्यांनी GST कपातीनंतर आपल्या वाहनांच्या किंमती कमी केल्या आहेत. कंपन्या आपली नवी रेट लिस्ट जारी करत आहेत, ज्यामध्ये कारच्या किंमती कमी झाल्याची आणि नव्या किंमतींची माहिती दिली जात आहे.
आता परदेशी कंपनी सिट्रोएननेही भारतात आपल्या वाहनांच्या किंमती कमी केल्या आहेत. सिट्रोएनच्या कारची किंमत आता 4.80 लाख रुपये आहे. किंमतीत कपात झाल्यानंतर या कंपनीच्या एसयूव्हीसारखी दिसणारी हॅचबॅक कार आता वॅगन आरपेक्षा स्वस्त झाली आहे.
भारत सरकारने GST मध्ये नुकत्याच केलेल्या बदलांमुळे सिट्रोएन इंडियाने आपल्या सर्व वाहनांच्या किंमतीत 2.70 लाख रुपयांपर्यंत कपात केली आहे. सरकारने नवीन GST स्लॅबला मंजुरी दिली आहे. याअंतर्गत 1200 सीसी पेट्रोल आणि 1500 सीसी डिझेल आणि 4 मीटरपेक्षा लहान कारवर आता 18 टक्के शुल्क आकारले जाईल. यापूर्वी त्यांच्यावर 28 टक्के GST आकारला जात होता. तसेच 1500 सीसीपेक्षा जास्त क्षमतेच्या गाड्या आणि 4 मीटरपेक्षा जास्त लांबीच्या वाहनांवर आता 40 टक्के GST आकारला जाईल. यापूर्वी या वाहनांवर GST आणि उपकरासह सुमारे 50 टक्के कर आकारला जात होता. Citroen कार स्वस्त
कंपनीचा दावा आहे की, त्यांनी GST कपातीचा पूर्ण फायदा ग्राहकांना दिला आहे, ज्यामुळे सर्व सिट्रोएन कार खूप स्वस्त झाल्या आहेत. या नवीन किंमती 22 सप्टेंबर 2025 पासून लागू होतील. सध्या, Citroen भारतात C3, C3X, Aircross SUV, Basalt, Basalt, Basalt X आणि C5 Aircross SUV यासह सहा पेट्रोल आणि डिझेल मॉडेल्सची विक्री करते.
वेगवेगळ्या मॉडेल्सवर सवलत
Citroën C3 आणि C3X – या एंट्री-लेव्हल हॅचबॅक कारवर व्हेरिएंटनुसार 84,000 रुपयांपर्यंत सूट मिळेल. GST दरातील बदलानंतर, Citroën C3 ची प्रारंभिक एक्स-शोरूम किंमत आता 4.80 लाख रुपये असेल.
Citroen Aircross SUV – या एसयूव्हीच्या 5-सीटर आणि 7-सीटर दोन्ही मॉडेल्समध्ये 50,000 रुपयांपर्यंत बचत होईल.
Citroen Basalt आणि Basalt X – ही दोन्ही मॉडेल्स नुकतीच लाँच करण्यात आली आहेत. त्यांची सुरुवातीची एक्स-शोरूम किंमत 7.95 लाख रुपये आहे.
Citroen C5 Aircross SUV – फ्लॅगशिप C5 एअरक्रॉस SUV ला GST कपातीचा सर्वाधिक फायदा झाला आहे, ज्याच्या किंमतीत 2.70 लाख रुपयांची मोठी घट झाली आहे. आता या SUV चे शाइन व्हेरिएंट 37.32 लाख रुपयांना (एक्स-शोरूम) उपलब्ध असेल.
