पॉवरफुल एसयूव्ही Mahindra XUV 500 लाँचिंगसाठी सज्ज, जाणून घ्या किंमत आणि फीचर्स

मुंबई : Mahindra ची सेकेंड जनेरेशन XUV 500 टेस्टिंगच्या अंतिम टप्प्यात आहे. ही कार भारतात यावर्षीच्या तिसऱ्या तिमाहीत लाँच केली जाण्याची शक्यता आहे. महिंद्रा XUV500 तिच्या सेगमेंटमध्ये सर्वात पॉवरफुल एसयूव्ही ठरेल, अशी अपेक्षा व्यक्त केली जात आहे. (Mahindra XUV 500 to be most powerful suv in the segment)

टर्बो पेट्रोल इंजिन मिळणार

महिंद्राच्या या एसयूव्हीमध्ये नवीन 2.0L mStallion टर्बो पेट्रोल आणि 2.2 लीटर डिझेल इंजिन दिलं जाणार आहे. XUV 500 ची 2.0 लीटर mStallion गॅसोलीन मोटर 190bhp पॉवर आणि 350Nm टॉर्क जनेरेट करते.

या गाड्यांना जोरदार टक्कर

महिंद्रा एक्सयूव्ही या कारला भारतीय ऑटोमोबाईल मार्केटमध्ये इतर वाहनांकडून जोरदार टक्कर मिळणार आहे. त्यातही प्रामुख्याने एमजी हेक्टर प्लस आणि टाटाची आयकॉनिक कार टाटा सफारी या गाड्यांना एक्सयूव्ही 500 ला टक्कर द्यावी लागणार आहे.

महिंद्राचा इलेक्ट्रिक मोबिलिटीवर फोकस

महिंद्रा यावर्षी पॉप्युलर कॉम्पॅक्ट एसयूव्ही सेगमेंटमध्ये Mahindra eKUV100 आणि Mahindra eXUV300 लाँच करणार आहे. या दोन्ही कार गेल्या वर्षीच्या ऑटो एक्स्पोमध्ये पाहावयास मिळाल्या होत्या. त्यानंर कंपनी New Mahindra Treo, Treo Zor सह Mahindra Atom electric quadricycle देखील लाँच करणार आहे. महिंद्रा कंपनी येत्या काळात इलेक्ट्रिक मोबिलिटीवर अधिक जोर देणार आहे. तसेच देशातही गेल्या वर्षभरात इलेक्ट्रिक वाहनांची मागणी वाढली आहे.

Mahindra ची स्वस्त Scorpio लवकरच बाजारात

महिंद्रा अँड महिंद्रा (Mahindra & Mahindra) कंपनी ऑल-न्यू स्कॉर्पियोच्या (All New Scorpio) लाँचिंगसाठी जोरदार तयारी करत आहे. महिंद्राची ही बहुप्रतीक्षित कार जून 2021 च्या आसपास लाँच केली जाण्याची शक्यता आहे. या नव्या Scorpio चे फोटो पाहून लक्षात येईल की, ही कार जुन्हा Scorpio पेक्षा थोडी मोठी आणि बोल्ड असेल.

ऑल-न्यू स्कॉर्पियो या कारमध्ये कंपनीने काही बदल केले आहेत. आगामी स्कॉर्पियो नवीन लॅडर-फ्रेम चेसीवर आधारित असेल. या कारच्या लीक झालेल्या फोटोवरुन अंदाज बांधला जातोय की, आगामी स्कॉर्पियोमध्ये सध्याच्या स्कॉर्पियोच्या तुलनेत मोठं फुटप्रिंट असेल, हे नवीन फ्रंट ग्रिलने लेस असेल. यामध्ये वर्टिकल स्लॅट्ससह मध्यभागी कंपनीचा लोगो असेल.

कशी आहे नवी Scorpio?