50 हजार डाऊन पेमेंट, Alto K10 घरी घेऊन जा, ईएमआय किती भरावा लागणार?
Alto K10 on EMI: मारुती सुझुकीची अल्टो के 10 ही अजूनही अनेक चौकोनी कुटुंबाची पहिली पसंती आहे. बजेट कार म्हणून ती आजही लोकप्रिय आहे. ऑटोमोबाईल क्षेत्रात धडाधड नवीन कार येत असल्या तरी अनेकांची पहिली पसंती याच कारला आहे. या चारचाकीची किंमतही कमी आहे. 50 हजार डाऊन पेमेंट केल्यावर ईएमआय किती भरावा लागणार?
छोट्या कुटुंबासाठी बजेट फ्रेंडली म्हणून मारुती सुझुकीची अल्टो के 10 लोकप्रिय आहे. अनेक चौकोनी कुटुंबाची ती पहिली पसंती आहे. कमी खर्चात चारचाकी हवी असेल तर Maruti Suzuki Alto K10 किफायतशीर आहे. सर्वात खास बाब म्हणजे या कारमध्ये 6 एअरबॅग देण्यात आल्या आहेत. या कारच्या समोरील भागात ड्युएल एअरबॅग मिळते. जर तुम्ही या कारसाठी 50 हजार डाऊन पेमेंट केल्यावर ईएमआय किती भरावा लागणार? जाणून घ्या अपडेट…
मारुती सुझुकीची अल्टो के 10 ची किंमत किती?
Maruti Alto K10 ची एक्स शोरूम किंमत 3.70 लाख रुपये सुरू होती. दिल्लीमध्ये या चारचाकी ऑनरोड किंमत जवळपास 4.16 लाख रुपयांच्या घरात आहे. या किंमतीत एक्स-शोरूम किंमतीशिवाय RTO, इन्शुरन्स आणि इतर शुल्काचा समावेश आहे. यामुळे प्रत्येक शहरात या किंमतीत बदल होऊ शकतो. त्यामुळे तुमच्या शहरातील किंमत अगोदर विचारून घ्या.
50 हजार रुपये डाऊन पेमेंट
जर एखादा ग्राहक जवळपास 50 हजार रुपयांचं डाऊन पेमेंट करत असेल तर जवळपास 3.74 लाख रुपयांचे वाहन कर्ज त्याला घ्यावे लागेल. बँकांचे व्याज दर आणि कर्जाचा कालावधी या आधारावर प्रत्येक महिन्याचा हप्ता ठरतो. जर 3.74 लाख रुपयांच्या कर्जावर अंदाजे 9.8 टक्के दराने 4 वर्षांसाठी कर्ज घेतले तर 9 हजार रुपये प्रति महिना ईएमआय भरावा लागेल. या हिशोबाने तुम्हाला बँकेला एकूण जवळपास 4.53 लाख रुपये चुकते करावे लागतील. ईएमआय बँकेचा व्याजदर, प्रक्रिया शुल्क, कर्जाची अट आणि डाऊन पेमेंट आधारे बदलू शकते.
Maruti Alto K10 चे खास फीचर्स
Alto K10 मध्ये आता सुरक्षेचे फीचर्स जोडण्यात आले आहे. कारमध्ये आता 6 एअरबॅग देण्यात आले आहेत. या कारमध्ये सीट बेल्ट आणि सुरक्षा पुरवण्यात आल्याने सामान्यांची ही कार पसंतीला उतरत आहे. कारच्या मॅकनिकल सेटअपमध्ये मोठा बदल करण्यात आलेला नाही. Alto K10 मध्ये 998cc K10C पेट्रोल इंजिन मिळते. हे इंजिन 5,500 rpm वर 49 kW ची पॉवर आणि 3,500 rpm वर 89 Nm चे टॉर्क जनरेट करते. कारमध्ये 5-स्पीड मॅनुअल ट्रांसमिशन देण्यात आले आहे.
Alto K10 केवळ पेट्रोल इंजिनसोबत येत नाही. तर CNG पर्यायासह उपलब्ध आहे. कारमध्ये 27 लिटर इंधन टाकी आहे. ज्यांना रोज दूरचा प्रवास करावा लागतो. त्यांच्यासाठी सीएनजी हा चांगला पर्याय ठरू शकतो. Alto K10 चा कॉम्पॅक्ट आकार शहरातील गर्दीतून मार्ग काढण्यासाठी फायदेशीर ठरतो. कार पार्किंगसाठी ही कार सोयीस्कर आहे.
