‘या’ टॉप 10 कार 1 एप्रिलपासून महागणार, किंमतीपासून सर्वकाही एका क्लिकवर

मारुती, ह्युंदाई, टाटा, महिंद्रा सह देशातील जवळपास सर्वच कंपन्यांनी कारच्या किंमती वाढवण्याची घोषणा केली आहे. वाढीव दर 1 एप्रिलपासून लागू होतील. देशातील टॉप-10 सेलिंग कारच्या किंमतीत किती वाढ होईल ते पाहूया.

car Image Credit source: tv9 marathi

एस. कुलकर्णी | Edited By: भीमराव गवळी | Updated on: Mar 26, 2025 | 1:42 PM

तुम्हाला कार घ्यायची असेल तर आधी ही माहिती वाचा. देशातील सर्वात मोठी कार उत्पादक कंपनी मारुती सुझुकी इंडियाने वाढत्या उत्पादन खर्चाची भरपाई करण्यासाठी 1 एप्रिलपासून आपल्या वाहनांच्या किमती तब्बल 4 टक्क्यांनी वाढवण्याची घोषणा केली आहे.

ह्युंदाई, महिंद्रा, टाटा मोटर्स, रेनो आणि किआ या कंपन्यांनी आपल्या कारच्या किंमती 2 ते 4 टक्क्यांनी वाढवण्याचा निर्णय घेतला आहे. देशातील सर्वाधिक विकल्या जाणाऱ्या गाड्यांच्या किमती किती वाढणार? जाणून घ्या.

किंमत किती वाढवणार?

देशातील कोणती कार कंपनी 1 एप्रिलपासून कारच्या किंमती वाढवणार आहे? हे तुम्ही खालील यादीमध्ये पाहू शकता. बहुतांश कंपन्यांनी कारच्या किमती वाढल्याचे कारण दिले आहे.

भारतातील टॉप 10 बेस्ट सेलिंग कार्स

फेब्रुवारी 2025 ची आकडेवारी पाहिली तर देशातील टॉप-10 बेस्ट सेलिंग कारमध्ये (फेब्रुवारी 2025 मध्ये इंडिया बेस्ट सेलिंग टॉप-10 कार्स) मारुती फ्रॉन्क्स पहिल्या क्रमांकावर आहे. त्याखालोखाल मारुती वॅगनआर (द्वितीय), ह्युंदाई क्रेटा (तिसरा), मारुती सुझुकी स्विफ्ट (चौथा), मारुती सुझुकी बलेनो (पाचवा), मारुती सुझुकी ब्रेझा (सहावा), टाटा नेक्सॉन (सातवा), मारुती सुझुकी अर्टिगा (आठवा), मारुती सुझुकी डिझायर (नववा) आणि टाटा पंच (दहावा) यांचा क्रमांक लागतो.