नवीन वर्षात ग्राहकांना झटका! Toyota, Honda, Volvo च्या गाड्या महागणार
टोयोटा किर्लोस्कर मोटर कंपनीने नुकतेच जाहीर केले आहे की 1 जानेवारी 2022 पासून ते त्यांच्या वाहनांच्या किंमती वाढवतील. वाढत्या इनपुट कॉस्टला कंपनीने याचे श्रेय दिले आहे.
मुंबई : कोरोना या साथरोगामुळे जगभरातील वाहन निर्मात्या कंपन्या मोठा फटका सहन करत आहेत. आधी अचानक उत्पादन बंद झाल्यामुळे नुकसान झाले आणि नंतर ते पूर्ववत झाल्यावर सेमीकंडक्टरसारख्या उत्पादनांच्या कमतरतेमुळे उत्पादन थांबले. कच्चा माल, इतर पार्ट्स आणि वाहतूक खर्च वाढल्यामुळे आपल्या देशातील कार निर्मात्यांनी त्यांच्या वाहनांच्या किमती वाढवण्याचा पर्याय निवडला आहे. 2022 च्या जानेवारीपासून वाहनांच्या किमतीतील पुन्हा एकदा वाढ केली जात आहे. (Toyota, Honda and Volvo cars will become more expensive in new year)
भारतीय ऑटोमोबाईल कंपन्या बाजारातील मागणी पूर्ण करण्यासाठी धडपडत आहेत. सेमीकंडक्टर चिप्सची खरेदी आणि इनपुट मटेरियलच्या कमतरतेमुळे नवीन वाहनांचे उत्पादन मंदावले आहे. या सर्व समस्यांनी वाहन कंपन्या त्रस्त आहेत, त्यामुळे वाढत्या खर्चाची भरपाई करण्यासाठी वाहन निर्मात्या कंपन्यांनी वाहनांच्या किमतीत बदल करण्यास सुरुवात केली आहे.
टोयोटा किर्लोस्कर मोटर
टोयोटा किर्लोस्कर मोटर कंपनीने नुकतेच जाहीर केले आहे की 1 जानेवारी 2022 पासून ते त्यांच्या वाहनांच्या किंमती वाढवतील. वाढत्या इनपुट कॉस्टला कंपनीने याचे श्रेय दिले आहे. ही दरवाढ टोयोटाने ऑफर केलेल्या सर्व मॉडेल्सवर लागू होईल ज्यात इनोव्हा क्रिस्टा, फॉर्च्युनर, ग्लान्झा, अर्बन क्रूझर, कॅमरी आणि वेलफायर हाइक यांचा समावेश असेल. मात्र, दरवाढ एकाच वेळी होणार नाही.
होंडा इंडिया
Honda India कंपनी इतर सर्व वाहन निर्मात्यांसोबत जानेवारी 2022 पासून त्यांच्या वाहनांची किंमत वाढविण्याचा विचार करत आहे. कंपनीने या वर्षी ऑगस्टमध्ये शेवटची किंमत वाढवली होती. कंपनीच्या प्रवक्त्याने सांगितले की, “कमोडिटीच्या किमती वाढल्यामुळे इनपुट कॉस्टवर लक्षणीय परिणाम झाला आहे. Honda ने काही महिन्यांपूर्वी पाचव्या जनरेशनमधील होंडा सिटी लाँच केली होती. हेच कंपनीचे अखेरचं लाँचिंग होतं.
व्होल्वो कार इंडिया
व्होल्वो कार इंडियानेही आपल्या कारच्या किमती वाढवण्याची घोषणा केली आहे. नवीन किमती 1 जानेवारी 2022 पासून लागू होतील. कंपनीचे म्हणणे आहे की, गेल्या काही वर्षांत, महामारीमुळे, निर्बंध आणि महागाईमुळे (inflationary) जागतिक पुरवठा साखळी विस्कळीत झाली आहे, ज्यामुळे इनपुट कॉस्ट वाढली आहे.
फोक्सवॅगनचा दरवाढीचा निर्णय
फोक्सवॅगनने गुरुवारी जाहीर केले की, ते नवीन वर्षात 1 जानेवारीपासून पोलो, व्हेंटो आणि मध्यम आकाराच्या एसयूव्ही टायगुनच्या किमती वाढवणार आहेत. फॉक्सवॅगन आता अशा कार निर्मात्यांपैकी एक आहे ज्यांनी जानेवारीपासून दरवाढीची पुष्टी केली आहे. देशातील इतर अनेक ब्रँड्सप्रमाणे, फोक्सवॅगनने वाढत्या इनपुट्स आणि ऑपरेशनल कॉस्टमुळे किंमती वाढवण्याचा निर्णय घेतला आहे.
मॉडेल आणि निवडलेल्या व्हेरिएंटवर अवलंबून किंमत वाढ 2% ते 5% दरम्यान असेल. फोक्सवॅगन पॅसेंजर कार्स इंडियाचे डायरेक्टर आशिष गुप्ता म्हणाले की, “इनपुट आणि ऑपरेशनल खर्चात भरीव वाढ झाल्यामुळे, आम्ही आमच्या उत्पादनांच्या किमती 2% ते 5% ने वाढवण्याचा आणि ग्राहकांवर होणारा परिणाम कमीत कमी ठेवण्याचा निर्णय घेतला आहे.” आमचा ब्रँड, उत्पादने आणि सेवा अधिक सुलभ बनवण्याचा आणि फोक्सवॅगनला आमच्या ग्राहकांमध्ये पसंतीचा ब्रँड म्हणून स्थापित करण्याचा आमचा गेल्या अनेक वर्षांपासून प्रयत्न आहे.”
इतर बातम्या
भारतात उपलब्ध असलेल्या सर्वात स्वस्त इलेक्ट्रिक गाड्या, जाणून घ्या टॉप 5 कार्सच्या किंमती आणि फीचर्स
Yamaha Aerox 155 ते TVS Jupiter 125, 2021 मध्ये लॉन्च झाल्या शानदार स्कूटर्स, पाहा टॉप 5 गाड्या
सिंगल चार्जमध्ये 150KM रेंज, One-Moto ची इलेक्ट्रिक स्कूटर भारतात लॉन्च
(Toyota, Honda and Volvo cars will become more expensive in new year)
