Petrol Diesel Price Today : आनंदवार्ता, कच्चा तेलाची घसरगुंडी! पेट्रोल-डिझेलची आली का स्वस्ताई

Petrol Diesel Price Today : जागतिक बाजारात कच्चा तेलाची घसरगुंडी उडाली आहे. भाव सातत्याने खाली जात आहे. त्यामुळे भारतीय पेट्रोलियम कंपन्या फायद्यात आहेत. तुमच्या शहरात आली का पेट्रोल-डिझेलची स्वस्ताई?

आज भाव झाला का कमी

KALYAN DESHMUKH | Updated on: May 10, 2023 | 8:36 AM

नवी दिल्ली : जागतिक बाजारात कच्चा तेलाने लोळण घेतले आहे. भावात जोरदार घसरण झाल्याने भारतीय पेट्रोलियम कंपन्या फायद्यात आहेत. गेल्या काही दिवसांपासून कच्चा तेलाने जोरदार उसळी घेतली होती. क्रूड ऑईल (Crude Oil) थेट 90 डॉलर प्रति बॅरलच्या घरात पोहचले होते. ओपेक प्लस देशांनी कच्चा तेलाचे उत्पादन घटविण्याची घोषणा केली असली तरी त्याचा फारसा परिणाम बाजारावर दिसून आलेला नाही. देशात सकाळी 6 वाजता पेट्रोलियम कंपन्यांनी पेट्रोल-डिझेलचा भाव (Petrol Diesel Price) जाहीर केला. आज कर्नाटक विधानसभा निवडणुकीसाठी मतदान होत आहे. देशात आता इतर राज्य विधानसभा आणि लोकसभा निवडणुकींचा बिगूल वाजेल. त्यामुळे देशात पेट्रोल-डिझेलच्या किंमती 20 रुपयांपर्यंत घसरण्याची शक्यता आहे.

कशाचा झाला परिणाम अमेरिकन केंद्रीय बँक, फेडरल रिझर्व्हने व्याजदरात वाढ केली आहे. डॉलरचा दबाव दिसून येत आहे. तर त्याचवेळी अमेरिकेसह युरोपात जागतिक मंदीचे वारे वाहत आहे. मंदीचा फेरा कधी येईल हे निश्चित नसले तरी त्याची भीती मात्र कायम आहे. जागतिक वृत्तसंस्था रॉयटर्सच्या बातमीनुसार, कच्चा तेलाने मंदीच्या भीतीने 2 टक्क्यांची उसळी घेतली होती.

कच्चा तेलात घसरण आज 10 मे रोजी, डब्ल्यूटीआई क्रूड ऑईल (WTI Crude Oil) 0.27 टक्क्यांनी घसरुन हा भाव 73.51 डॉलर प्रति बॅरलवर पोहचला. तर ब्रेंट क्रूड ऑईल (Brent Crude Oil) 0.26 टक्क्यांनी कमी झाले. भाव 77.24 डॉलर प्रति बॅरल झाले.

एक लिटरवर कराचे गणित एक लिटर पेट्रोलवर केंद्र आणि राज्य सरकारला करातून किती फायदा होतो ते समजू घेऊयात. 1 मे रोजी एखाद्या शहरातील पेट्रोलचा भाव 96.72 रुपये असेल तर त्यात 35.61 रुपये कराचे समाविष्ट असतात. या रक्कमेत 19.90 रुपये केंद्र सरकारच्या तिजोरीत तर राज्य सरकारच्या तिजोरीत 15.71 रुपये जमा होतात. एक लिटर पेट्रोलवर डिलरला 3.76 रुपये कमिशन मिळते. वाहतूकीसाठी 0.20 पैसा द्यावे लागतील.

कोणत्या देशाकडून होतो पुरवठा

सध्या रशियाकडून भारताला रोज 16 लाख बॅरल्स कच्चा तेलाचा पुरवठा करण्यात येत आहे
तर इराककडून 9.4 लाख बॅरल, सौदी अरबकडून 6.5 लाख बॅरल कच्चे तेल आयात होते
संयुक्त अरब अमिरातकडून 4 लाख बॅरल, अमेरिकेकडून 2.5 लाख बॅरल प्रत्येक दिवशी पुरवठा होत आहे
2006-07 मध्ये भारत 27 देशांकडून इंधन आयात करत होता. 2021-22 मध्ये ही संख्या 39 इतकी झाली आहे
वर्षभरात भारतीय तेल कंपन्यांना इतर पुरवठादारांपेक्षा रशियकडून 2 डॉलर प्रति बॅरलचा फायदा होत आहे.

राज्यातील प्रमुख शहरातील भाव (Source:goodreturns)