Gold Price: सोन्याचा भाव वधारला, एका महिन्यातील उच्चांकी पातळीवर
Gold Price | मंगळवारी MCX बाजारपेठेत सोन्याचा दर 181 रुपयांनी वधारून प्रतितोळा 48,275 रुपये इतका झाला. आंतरराष्ट्रीय बाजारपेठेतही सोने प्रति औंस 1800 डॉलर्सच्यावर पोहोचले आहे. गेल्यावर्षी ऑगस्ट महिन्यात सोन्याचा प्रतितोळा दर 56,200 रुपये इतका होता.
मुंबई: गेल्या काही दिवसांपासून सातत्याने 47 हजारांखाली असणाऱ्या सोन्याचा दर पुन्हा वधारला आहे. मल्टी कमोडिटी एक्स्चेंजमध्ये मंगळवारी सोन्याच्या भावात 0.38 टक्क्यांची वाढ झाली. गेल्या सत्रातही सोन्याच्या दरात 0.12 टक्क्यांची वाढ पाहायला मिळाली होती. त्यामुळे सध्या MCX वर सोने हे महिनाभरातील उच्चांकी पातळीवर पोहोचले आहे. तर दुसरीकडे चांदीच्या दरात मात्र आज घसरण पाहायला मिळाली.
मंगळवारी MCX बाजारपेठेत सोन्याचा दर 181 रुपयांनी वधारून प्रतितोळा 48,275 रुपये इतका झाला. आंतरराष्ट्रीय बाजारपेठेतही सोने प्रति औंस 1800 डॉलर्सच्यावर पोहोचले आहे. गेल्यावर्षी ऑगस्ट महिन्यात सोन्याचा प्रतितोळा दर 56,200 रुपये इतका होता.
सोन्यामधील गुंतवणूक वाढली
कोरोनाचं संकट, लॉकडाऊन आणि नाईट कर्फ्यूसारखे नियम यामुळे अर्थव्यवस्था डळमळीत झाली आहे. त्यामुळे लोक पुन्हा एकदा सोन्यातील सुरक्षित गुंतवणुकीचा आधार घेत आहेत. मागील आर्थिक वर्ष 2020-21 मध्ये गोल्ड एक्सचेंज ट्रेडेड फंड्स (Gold ETF)मध्ये गुंतवणूकदारांनी तब्बल 6,900 कोटी गुंतवले.
डिसेंबर महिन्यापर्यंत सोन्याचा भाव 52 हजारांपर्यंत पोहोचणार?
गेल्या काही महिन्यांपासून सोन्याचा दर एका विशिष्ट पातळीत वरखाली होताना दिसत आहे. आंतरराष्ट्रीय बाजारातील घडामोडींमुळे सोन्याच्या किंमतीवर दबाव असून सोने 47 हजारांच्या खाली आले आहे. मात्र, कोरोनाच्या डेल्टा प्लस व्हेरिएंटच्या उदयानंतर सोन्याचे भाव (Gold rates) पुन्हा वर जातील, असा अंदाज व्यक्त केला जात आहे. त्यामुळे जाणकारांकडून सोन्याचा दर आणखी खाली आल्यास खरेदीचा सल्ला दिला जात आहे.
सध्या सोन्याचा दर हा दोन महिन्यांतील निच्चांकी पातळीवर आहे. मल्टी कमोडिटी एक्सेंजमध्ये सोन्याच्या किंमतीला 46500 रुपयांच्या पातळीवर भक्कम सपोर्ट आहे. शुक्रवारी बाजार बंद झाला तेव्हा सोन्याचा प्रतितोळा दर 46,615 इतका होता. त्यामुळे सोन्याचा दर सपोर्ट प्राईसच्या अत्यंत जवळ आहे. या पातळीपर्यं पोहोचल्यानंतर सोन्याच्या किंमती पुन्हा वरच्या दिशेने प्रवास सुरु करतील. अशातच कोरोनाच्या डेल्टा प्लस व्हेरिएंटमुळे अनिश्चिततेच्या वातावरणात आणखी भर पडली आहे. त्यामुळे येत्या डिसेंबर महिन्यापर्यंत सोन्याच्या किंमती 52 हजाराचा टप्पा गाठतील, असा जाणकारांचा अंदाज आहे.
संबंधित बातम्या:
Gold: देशात एप्रिल-मे महिन्यात सोन्याची प्रचंड आयात; भारतीय अर्थव्यवस्थेला मोठा फटका
Gold: एक व्यक्ती किती सोने बाळगू शकते, काय आहे कायदा, जाणून घ्या सर्वकाही
सोन्याच्या भावात मोठी घसरण, भारताच्या परकीय चलनाच्या गंगाजळीला गळती
