Cheque Clearance : आता कशाला पाहता दोन दिवसांची वाट; धनादेशाची रक्कम खात्यात, अवघ्या काही तासात
Cheque Clearance Time : आता चेक जमा होण्यासाठी दोन दिवस वाट पाहण्याची गरज उरली नाही. रिझर्व्ह बँकेच्या पतधोरण समितीची बैठक आज संपली. त्यात एक महत्वाचा निर्णय घेण्यात आला. त्यानुसार धनादेश तातडीने त्याच दिवशी जमा होणार आहेत.
Cheque Clearance Time Reduced : आज रिझर्व्ह बँकेच्या पतधोरण समितीची बैठक संपली. 6 ते 8 ऑगस्ट दरम्यान ही बैठक झाली. अर्थसंकल्प सादर झाल्यानंतरची ही पहिली बैठक होती. त्यात रेपो दरात कोणताही बदल न करण्याचा निर्णय झाला. पण आरबीआयने एक महत्वाचा निर्णय घेतला. त्यानुसार, धनादेशाने होणाऱ्या व्यवहारांना आता गती मिळाली आहे. व्यावसायिक, व्यापारी यांना मोठा दिलासा मिळाला आहे. आता झटपट चेक क्लिअर होईल. धनादेशाची रक्कम जमा होण्यासाठी दोन दिवसांची वाट पाहण्याची गरज उरली नाही. त्याच दिवशी अवघ्या काही तासात धनादेश जमा होतील.
धनादेश जमा होण्याचा कालावधी झाला कमी
धनादेश जमा होण्याचा कालावधी आता एकदम कमी झाला आहे. यापूर्वी धनादेशाची रक्कम खात्यात जमा होण्यासाठी दोन दिवसांचा कालावधी लागत होता. आता हा कालावधी अवघ्या काही तासांवर आला आहे. आरबीआयचे गव्हर्नर शक्तिकांत दास यांनी हा निर्णय जाहीर केला. पतधोरण समितीची बैठक आज संपली. त्यानंतर त्यांनी याविषयीची माहिती दिली. धनादेश देणारा आणि धनादेश स्वीकारणारा या दोघांना याचा फायदा होईल. अनेक व्यवहारांना यामुळे गती मिळेल. शैक्षणिक संस्था, जमीन, मालमत्ता खरेदीचे व्यवहार आणि इतर अनेक व्यवहारांमध्ये धनादेशचा उपयोग होतो.
यापूर्वी दोन दिवसांचा कालावधी
आरबीआय गव्हर्नर शक्तिकांत दास यांनी यापूर्वी धनादेश व्यवहार पद्धतीसाठी (CTS) दोन दिवसांचा कालावधी लागत असल्याचे स्पष्ट केले. पण आता या बदलामुळे त्याच दिवशी अवघ्या काही तासात धनादेश वटतील आणि रक्कम संबंधित खात्यात जमा होणार आहे.
रेपो रेट जैसे थे
देशात महागाईचा कहर आहे. सर्वसामान्यांची महागाईपासून सूटका झालेला नाही. रेपो दर कमी झाला तर निदान कर्जाचा हप्ता तरी कमी होईल, अशी ग्राहकांची अपेक्षा होती, ती फोल ठरली. 9 व्यांदा आरबीआयच्या पतधोरण समितीने रेपो दरात कोणताच बदल केला नाही. फेब्रुवारी 2023 पासून रेपो रेटमध्ये कोणताच बदल झालेला नाही. गेल्या 25 वर्षांत असे दुसऱ्यांदा घडले, ज्यावेळी आरबीआयने दीर्घकाळांपर्यंत रेपो दरात कोणताही बदल केलेला नाही.
