Penny Stock : 3 रुपयांच्या शेअरची कमाल; गुंतवणूकदारांच्या पडल्या उड्या, LIC ने पण केली शेअरची खरेदी
Integra Essentia Share : या कंपनीच्या शेअरने गुंतवणूकदारांना मालामाल केले आहे. कंपनीचा शेअर आज 4 टक्क्यांपर्यंत वधारला. हा पेनी स्टॉक असला तरी त्यावर गुंतवणूकदारांच्या उड्या पडल्या आहेत. हा शेअर मंगळवारी 4.09 रुपयांवर पोहचला आहे. ही त्याची इंट्रा डेची उच्चांकी कामगिरी आहे.
इंटिग्रा एस्सेन्टिया लिमिटेडचा शेअर आज मंगळवारी वधारला. पेनी शेअर तसे जोखीमेचे असतात. कंपनीचा शेअर आज 4 टक्क्यांपर्यंत वधारला. हा शेअर आज 4.09 रुपयांवर आला. ही त्याची उच्चांकी कामगिरी आहे. 10 रुपयांपेक्षा कमी असलेल्या या स्मॉल कॅप स्टॉकला गुंतवणूकदारांनी पसंती दिली. हा शेअर सुरुवातीच्या सत्रातच सूसाट सुटला आणि त्याने मोठी मजल मारली. सोमवारी हा शेअर 3.97 रुपयांवर बंद झाला.
ऑर्डर मिळताच स्टॉक सूसाट
इंटिग्रा एस्सेन्टिया लिमिटेडचा शेअर तेजीत आला आहे. स्मॉल कॅप स्टॉकने शनिवारी जाहीर केले की, ॲग्रो आणि इन्फ्रास्ट्रक्चर व्यवसायासाठी कंपनीला 28 कोटी रुपयांची महत्वपूर्ण ऑर्डर मिळाली आहे. सेवा आणि उत्पादनातील गुणवत्तेचे हे जणू प्रतिक असल्याचा दावा कंपनीने केला. मोठ्या ऑर्डरमुळे गुंतवणूकदारांनी या पेनी स्टॉकमध्ये गुंतवणूक वाढवली.
LIC चा मोठा वाटा
इंटिग्रा एस्सेन्टिया लिमिटेडचे मार्केट कॅप 404 कोटी रुपये इतके आहे. या स्मॉलकॅप स्टॉकचा NSE वरील 52 आठवड्यातील उच्चांकी स्तर 7.69 रुपये प्रति शेअर होता. तर या शेअरचा गेल्या 52 आठवड्यातील निच्चांकी स्तर 2.50 रुपये प्रति शेअर असे आहे. मार्च 2024 तिमाहीच्या अखेरीस एलआयसीचा या कंपनीत वाटा होता. एलआयसीने त्यातून कमाई केली. या कंपनीच्या मार्च 2024 मधल शेअर होल्डिंग पॅटर्ननुसार एलआयसीची या कंपनीत 1.06 टक्क्यांची हिस्सेदारी होती.
ONGC च्या शेअरची किंमत किती
तिमाही निकालाचा परिणाम आज ओएनजीसीच्या शेअरवर झाला आहे. कंपनीचा शेअर मंगळवारी तेजीत दिसला. बीएसईच्या सुरुवातीच्या सत्रात ओएनजीसीचा शेअरमध्ये 4 टक्क्यांची उसळी आली. हा शेअर 322.45 रुपयांवर पोहचला. त्यानंतर कंपनीच्या शेअरमध्ये घसरण झाली. बाजार बंद होताना हा शेअर 307.40 रुपयांवर होता.
सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल. पेनी शेअरमध्ये गुंतवणूक करताना जागरुक राहा. कंपनीचे फंडामेंटल तपासा. भूलथापांना अजिबात बळी पडू नका.
