ITR Filing 2025 : मोबाईलवरून काही मिनिटात आयकर भरा, ही तारीख हुकली तर 5000 रुपयांचा दंड भरावा लागणार
ITR Filing 2025 : करदात्यांसाठी आता आयकर भरण्याची अंतिम मुदत जवळ आली आहे. त्यामुळे वेळत ITR भरला की नाही याची खात्री करून घ्या. नाहीतर तुम्हाला नियमानुसार भुर्दंड सहन करावा लागेल. काय आहे अपडेट?
आयकर रिटर्न (ITR) भरणे आता पूर्वीसारखे किचकट राहिलेले नाही. रिटर्न दाखल करण्यासाठी आता मोबाईल ॲप्स पण दाखल झाले आहेत. त्यामुळे काही तासांचे काम अवघ्या काही मिनिटांवर आले आहे. जर तुम्ही अद्याप आयकर रिटर्न (Income Tax Return) भरला नसेल तर आता अंतिम मुदत अगदी जवळ येऊन ठेपली आहे. 15 सप्टेंबर ही अंतिम तारीख (ITR Filing Last Date) आहे. आता लेट फायलिंगसाठी केवळ दंडच नाही तर दरमहा 1 टक्क्यांपर्यंतचे व्याज पण भरावे लागू शकते. करदात्यांना असा मोठा झटका बसेल. ज्यांचे उत्पन्न 5 लाखांपेक्षा अधिक आहे. त्यांना दंडाची रक्कमही तशीच जोरदार भरावी लागेल. त्यामुळे हातातील कामं सोडून झटपट फायलिंग पूर्ण करा.
मोबाईलहून कसा करणार ITR फाईल
आयकर विभागाने यंदा मोबाईल ॲप्सच्या माध्यमातून ITR फायलिंग सोप्पं केलं आहे. ॲनरॉईड आणि iOS वर AIS for Taxpayer आणि Income Tax Department नाव या दोन्ही अधिकृत ॲप्सच्या माध्यमातून करदात्यांना आयटीआर फाईल करता येईल. यामाध्यमातून पगारदार, सेवानिवृत्तीधारक आणि लहान करदात्यांना विना डेस्कटॉप वा कोणत्याही मध्यस्थाशिवाय रिटर्न फाईल करता येईल.
- लॉगिन करण्यासाठी PAN, आधार वा रजिस्टर्ड युझर आयडी आणि पासवर्ड टाकावा लागेल. सुरक्षेसाठी आधार OTP सारख्या मल्टी फॅक्टर ऑथेंटिक्शनची गरज
- ॲपमध्ये ॲन्युअल इन्फर्मेशन स्टेटमेंट (AIS) आणि टॅक्सपेअर इन्फॉर्मेशन समरी (TIS) उपलब्ध असते. त्यात बँक, कंपनी, म्युच्युअल फंडसारखी माहिती अगोदरच भरलेली असते.
- आयकर उत्पन्नाच्या दृष्टीने हे ॲप योग्य ITR फॉर्म निवडण्यासाठी मदत करते. गरज असेल तेव्हा करदाते ही माहिती दुरुस्त करू शकतात. बदल करू शकतात.
- रिटर्न पूर्ण झाल्यावर आधार OTP, नेट बॅकिंग वा DSC कडून e-verify करता येते. त्यानंतर लागलीच acknowledgement देण्यात येते.
या चुका जरूर टाळा
रिटर्न फाईल करताना कोणतीही घाई गडबड करू नका. अनेकदा लोक कोणताही विचार न करतात भराभर अर्ज भरतात. त्यानंतर मग रिफंडमध्ये उशीर होऊ शकतो अथवा दंडही लागू शकतो.
- चुकीचा ITR फॉर्म निवड – प्रत्येक कॅटेगिरीसाठी स्वतंत्र अर्ज आहे
- उत्पन्नाचे स्त्रोत न दाखवणे – मुदत ठेवीवरील व्याज, कॅपिटल गेन, फ्लीलान्स, इतर उत्पन्न
- Form 16 आणि Form 26AS – हे दोन्ही मॅच न केल्यास TDS मध्ये गडबड होऊ शकते.
- e-verification न करणे – ITR valid तेव्हाच वैध होते जेव्हा Aadhaar OTP, नेट बॅंकिंग वा दुसऱ्या पर्यायाने ते e-verify करण्यात येते.
जर चूक झाली तर काय कराल?
जर रिटर्न फाईलिंग करताना काही चूक झाली तर घाबरण्याची गरज नाही. आयकर अधिनियम कलम 154 अंतर्गत rectification request टाकून फॅक्चुअल एरर्स, कॅल्क्युलेशन मिस्टेक्स, मिसमॅच टॅक्स क्रेडिट सारख्या अडचणी दूर करता येऊ शकतात.
