ITR filing last date: ITR भरण्याची शेवटची मुदत वाढली, Form 16 शिवाय ITR भरण्याचा पर्याय वाचा

ITR filing last date: प्राप्तिकर विवरणपत्र (ITR) भरण्याची तारीख वाढली असून, आयकर विभागाने (CBDT) सर्वसामान्य करदात्यांना मोठा दिलासा दिला आहे. आर्थिक वर्ष 2024-25 (कर निर्धारण वर्ष 2025-26) साठी आयकर विवरणपत्र (ITR) भरण्याची अंतिम तारीख आता 31 जुलैवरून 15 सप्टेंबर 2025 पर्यंत वाढविण्यात आली आहे.

CBDT ने तारीख का वाढवली?

आयटीआर फॉर्ममध्ये नवे बदल करण्यात आले आहेत. यावर्षी जारी करण्यात आलेल्या ITR फॉर्ममध्ये रचना आणि कंटेंटच्या पातळीवर अनेक संरचनात्मक बदल झाले आहेत.

सिस्टीम अपग्रेड करणे वेळखाऊ

फॉर्मनुसार पोर्टल अपडेट करणे, सिस्टम तयार करणे आणि चाचणी करणे यासाठी अतिरिक्त वेळ लागत आहे.

TDS डेटा अपडेटला विलंब

मे 2025 पर्यंतचा TDS डेटा जूनपूर्वी दिसणार नाही, ज्यामुळे वेळेवर ITR भरणे अवघड झाले असते.

काय आहे नवीन डेडलाइन?

आधी: 31 जुलै 2025 आता: 15 सप्टेंबर 2025

CBDT ने अधिकृत अधिसूचना जारी करण्यास सांगितले आहे. करदात्यांना कागदपत्रे आणि फॉर्म तयार करण्यासाठी अधिक वेळ मिळेल रिटर्नमध्ये कमी त्रुटी असतील, ज्यामुळे अचूक आणि पारदर्शक फाइलिंग सुनिश्चित होईल, सिस्टमला फॉर्म बदलण्यासाठी आणि TDS डेटा प्रतिबिंबित करण्यासाठी पुरेसा वेळ मिळेल.

CBDT चे म्हणणे आहे की या मुदतवाढीमुळे करदात्यांच्या चिंता दूर होण्यास आणि परतावा प्रक्रियेची गुणवत्ता राखण्यास मदत होईल.

Kind Attention Taxpayers!

CBDT has decided to extend the due date of filing of ITRs, which are due for filing by 31st July 2025, to 15th September 2025

This extension will provide more time due to significant revisions in ITR forms, system development needs, and TDS credit… pic.twitter.com/MggvjvEiOP

— Income Tax India (@IncomeTaxIndia) May 27, 2025

Form 16 शिवाय ITR भरण्याचा पर्यायी मार्ग

1. Form 16 AS वापरा

ज्या करदात्यांकडे Form 16 नाही ते देखील Form 16 AS द्वारे ITR दाखल करू शकतात. प्राप्तिकर विभागाच्या वेबसाइटवरून हा फॉर्म डाऊनलोड करता येईल. त्यात नियोक्ताकडून मिळणारे उत्पन्न आणि TDS, अ‍ॅडव्हान्स टॅक्स किंवा सेल्फ असेसमेंट टॅक्स किंवा त्याच्या बँकेतून किंवा इतर स्त्रोतांमधून कापलेल्या इतर उत्पन्नाच्या स्त्रोतांची माहिती असते.

2. बँक स्टेटमेंट आणि सॅलरी स्लिप

करदाते त्यांच्या बँक स्टेटमेंट आणि वेतन स्लिपद्वारे देखील ITR दाखल करू शकतात. या दोन कागदपत्रांच्या माध्यमातून तुम्हाला आर्थिक वर्षातील तुमचे एकूण उत्पन्न, वजावट आणि इतर आर्थिक व्यवहारांची माहिती मिळेल. ज्याच्या आधारे तुम्ही ITR दाखल करू शकता.

3. गुंतवणूक आणि वजावटीचे प्रमाणपत्र

आर्थिक वर्षात केलेल्या गुंतवणुकीची आणि इतर वजावटींची कागदपत्रे गोळा करा. ITR मधून सूट मिळण्याचा दावा करण्यासाठी या कागदपत्रांची आवश्यकता असेल.

4. वार्षिक माहिती प्रणाली (AIS)

वार्षिक माहिती प्रणालीमध्ये आपल्या सर्व आर्थिक गोष्टींचा तपशील देखील असतो. जसे की पगारातून मिळणारे उत्पन्न, व्याजातून मिळणारे उत्पन्न, शेअर बाजारातील व्यवहार, TDS आणि TCS ची माहिती. इन्कम टॅक्स पोर्टलवरून तुम्ही ते डाऊनलोड करू शकता. Form 16 AS आणि AIS क्रॉस-चेक करा. हे सुनिश्चित करते की आपले उत्पन्न आणि TDS ची माहिती योग्य आहे.

5. फ्रीलान्सर्ससाठी देखील ‘हा’ एक उपाय

तुम्ही फ्रीलान्सर किंवा स्वयंरोजगार व्यक्तींच्या श्रेणीत येत असाल तर आपल्याला Form 16 ची आवश्यकता भासणार नाही. त्याऐवजी ग्राहकाकडून मिळालेल्या देयकांच्या पावत्या गोळा कराव्या लागतील. बँक स्टेटमेंटमधून मिळणाऱ्या उत्पन्नाचा हिशोब करावा लागेल. याशिवाय कार्यालयीन भाडे, इंटरनेट बिल आदी सर्व प्रकारच्या व्यावसायिक शुल्कांची नोंद ठेवावी लागणार असून, त्याचा वापर वजावटीसाठी केला जाणार आहे.