LIC Jeevan Shiromani Plan | एलआयसीचा धाकड प्लॅन, तगड्या गुंतवणुकीवर 4 वर्षात 1 कोटी मिळणार, प्लॅनच आहे जीवन शिरोमणी!
LIC Jeevan Shiromani Plan | एलआयसीच्या अनेक जबरदस्त योजना आहेत. त्यातील एक योजना म्हणजे जीवन शिरोमणी, या योजनेत गुंतवणुकीवर एक कोटींचा परतावा तर मिळतोच,पण करातूनही सवलत मिळते.
LIC Jeevan Shiromani Plan | तुम्हाला तुमचे भविष्य सुरक्षित करायचे असेल आणि गुंतवणुकीवर तगडा परतावा हवा असेल तर भारतीय आयुर्विमा महामंडळाचा (LIC) सर्वात चांगला प्लॅन जीवन शिरोमणी हा आहे. एलआयसीच्या अनेक जबरदस्त योजना आहेत. त्यात शिरोमणी योजना (Jeevan Shiromani Plan)म्हणजे जीवन शिरोमणी. या योजनेत तगडी गुंतवणूक(Investment) तुम्हाला चार वर्षांनंतर एक कोटी रुपये मिळवून देईल. एवढेच नाही तर गुंतवणूकदारांना करातूनही दिलासा मिळणार आहे. या योजनेत केवळ 4 वर्ष गुंतवणूक करावी लागेल, तर मॅच्युरिटीवर (maturity) तुम्हाला एक कोटी रुपयांचा जबरदस्त फायदा होईल. योजनेत पॉलिसीधारकांना वार्षिक, सहामाही, त्रैमासिक आणि मासिक तत्त्वावर प्रीमियम जमा करण्याची सुविधा देण्यात आली आहे. या योजनेत कर्जही मिळते. या पॉलिसीचे वैशिष्ट्य म्हणजे योजनेच्या कालावधीत ग्राहक पॉलिसीच्या सरेंडर व्हॅल्यूच्या आधारे कर्जही देते. परंतु कर्ज घेण्यासाठी एलआयसीच्या अटी व शर्तींचे पालन करावे लागते. संपूर्ण योजना समजून घेऊयात .
काय आहे एलआयसी जीवन शिरोमणी पॉलिसी (LIC Jeevan Shiromani)
एलआयसी जीवन शिरोमणी पॉलिसी ही एक नॉन लिंक्ड(non linked) वैयक्तिक, जीवन विमा बचत योजना आहे. ही मनी बॅक लाइफ इन्शुरन्स योजना (life insurance savings plan)आहे. या योजनेतंर्गत हमी दराने (Guaranteed Editions) रक्कम मिळते. ही योजना गंभीर आजारांपासूनही संरक्षण देते. एलआयसी जीवन शिरोमणी पॉलिसी मुदतीच्या काळात विमाधारकाच्या कुटुंबीयांना त्याच्या मृत्यूनंतर आर्थिक मदत देते. या योजनेत विमाधारकांना वार्षिक, सहामाही, त्रैमासिक आणि मासिक तत्त्वावर प्रीमियम म्हणजेच हप्ता जमा करण्याची सुविधा देण्यात आली आहे. ही पॉलिसी खरेदी करण्याचे किमान वय 18 वर्षे आहे.
कर्ज घेण्याची सुविधा
एलआयसीच्या या योजनेत गुंतवणुकीवर करसवलत मिळते. या पॉलिसीचे वैशिष्ट्य म्हणजे योजनेच्या कालावधीत ग्राहक पॉलिसीच्या सरेंडर व्हॅल्यूच्या आधारे कर्जही देते. परंतु कर्ज घेण्यासाठी एलआयसीच्या अटी व शर्तींचे पालन करावे लागते. वेळोवेळी ठरवल्या जाणाऱ्या व्याजदराच्या आधारे पॉलिसीवर कर्ज देण्यात येते.
एलआयसी जीवन शिरोमणी बद्दल संपूर्ण माहिती
किमान विमा रक्कम : 1 कोटी रु. जास्तीत जास्त विमा रक्कम : कोणतीही मर्यादा (बेसिक सम अॅश्युअर्ड 5 लाख रुपयांच्या पटीत असेल) पॉलिसी टर्म : 14, 16, 18 आणि 20 वर्षे प्रवेशाचे किमान वय : 18 वर्षे
प्रीमियम किती काळ जमा करावा लागेल: 4 वर्षे पॉलिसीमध्ये प्रवेश करण्याचे कमाल वय : 14 वर्षांच्या पॉलिसीसाठी 55 वर्षे, 16 वर्षांच्या पॉलिसीसाठी 51 वर्षे, 18 वर्षांच्या पॉलिसीसाठी 48 वर्षे, 20 वर्षांच्या पॉलिसीसाठी 45वर्षे
