T20 WC 2026: सुपर 8 फेरीपर्यंत झिम्बाब्वेचा प्रवास कसा राहिला? कोणते विक्रम नोंदवले? जाणून घ्या
टी20 वर्ल्डकप स्पर्धेत मोठा उलटफेर करण्यात झिम्बाब्वे आघाडीवर राहिली. बलाढ्या ऑस्ट्रेलियाला स्पर्धेतून बाहेर काढलं आणि सुपर 8 फेरीत जागा मिळवली. या स्पर्धेत झिम्बाब्वेचा प्रवास कसा राहिला ते जाणून घ्या
टी20 वर्ल्डकप 2026 स्पर्धा सुरू होण्यापूर्वी झिम्बाब्वे सुपर 8 फेरीत जागा मिळवेल असं कोणी सांगितलं असतं तर विश्वास ठेवला नसता. पण आता झिम्बाब्वेने सुपर 8 फेरीत जागा मिळवली आहे. बलाढ्य ऑस्ट्रेलियाच्या आशेवर पाणी टाकत एन्ट्री मारली आहे. श्रीलंकेनंतर ब गटातून झिम्बाब्वे सुपर 8 फेरीसाठी पात्र ठरला आहे. साखळी फेरीत शेवटचा सामना श्रीलंका आणि झिम्बाब्वे यांच्यात होणार आहे. पण दोन्ही संघ पात्र ठरलेत. (Photo- Zimbabwe Cricket Twitter)
1 / 5
साखळी फेरीत आयर्लंडविरुद्धचा सामना पावसामुळे रद्द झाला आणि झिम्बाब्वेला सुपर 8 फेरीचं तिकीट मिळालं. झिम्बाब्वेच्या खात्यात 5 गुण झाले असून ऑस्ट्रेलियाला मागे टाकत सुपर 8 फेरीत जागा पक्की केली आहे. झिम्बाब्वेने पहिल्यांदाच टी20 वर्ल्डकप स्पर्धेच्या इतिहासात सुपर 8 फेरीत जागा मिळवली आहे. (Photo- Zimbabwe Cricket Twitter)
2 / 5
गट ब मध्ये श्रीलंका, झिम्बाब्वे, आयर्लंड, ऑस्ट्रेलिया आणि ओमान हे संघ होते. टी20 वर्ल्डकप स्पर्धेत झिम्बाब्वेचा पहिलाच सामना ओमानशी झाला. हा सामना झिम्बाब्वेने सहज जिंकला. खरं तर वॉर्मअप सामन्यात ओमानचा संघ वरचढ होता. पण साखळी फेरीत तसं घडलं नाही. ओमानने विजयासाठी 103 धावांचं आव्हान दिलं होतं. झिम्बाब्वेने ओमानला 8 गडी आणि 39 चेंडू राखून पराभूत केलं. (Photo- Zimbabwe Cricket Twitter)
3 / 5
झिम्बाब्वेचा दुसरा सामना बलाढ्य ऑस्ट्रेलियाशी झाला. या सामन्यात झिम्बाब्वेने 20 षटकात 2 गडी गमवून 169 धावा केल्या. या धावांचा पाठलाग करताना ऑस्ट्रेलियाचा संघ 19.3 षटकात सर्व गडी गमवून 146 धावा करू शकला. हा सामना झिम्बाब्वेने 23 धावांनी जिंकला. त्यानंतर ऑस्ट्रेलियाला श्रीलंकेने पराभूत केलं. त्यामुळे गणित जर तर वर आलं होतं. पण यातही झिम्बाब्वेने बाजी मारली. (Photo- Zimbabwe Cricket Twitter)
4 / 5
झिम्बाब्वेचा संघ आता सुपर 8 फेरीत पोहोचला आहे. या गटात भारत, वेस्ट इंडिज आणि दक्षिण अफ्रिका हे संघ आहेत. झिम्बाब्वेचा पहिला सामना 23 फेब्रुवारीला वेस्ट इंडिजशी , दुसरा सामना भारताशी 26 फेब्रुवारीला आणि तिसरा सामना दक्षिण अफ्रिकेशी 1 मार्चला होणार आहे. (Photo- Zimbabwe Cricket Twitter)
