नोकरदारांनो 15 दिवसांत ‘हे’ काम आटपा, अन्यथा पीएफचे पैसे अडकण्याची शक्यता
EPFO Aadhar | यापूर्वी EPFO ने नोकरदारांना या कामासाठी 1 जूनपर्यंतचा अवधी देऊ केला होता. त्यानंतर UAN नंबर आणि आधार लिंक नसल्यास पीएफची रक्कम तुमच्या खात्यात जमा होणार नाही, असे सांगण्यात आले होते.
मुंबई: नोकरदार व्यक्तींसाठी अत्यंत महत्त्वाच्या असणाऱ्या भविष्य निर्वाह निधीच्या (EPFO) खात्याबाबत येत्या काही दिवसांमध्ये बदलांची शक्यता आहे. कारण EPFO खात्याचा युनिव्हर्सल अकाऊंट नंबर आधार कार्डाशी लिंक करण्याची मुदत संपण्यासाठी केवळ 15 दिवस शिल्लक राहिले आहेत. यापूर्वी EPFO ने नोकरदारांना या कामासाठी 1 जूनपर्यंतचा अवधी देऊ केला होता. त्यानंतर UAN नंबर आणि आधार लिंक नसल्यास पीएफची रक्कम तुमच्या खात्यात जमा होणार नाही, असे सांगण्यात आले होते. मात्र, जून महिन्यात UAN नंबर आणि आधार लिंक करण्यासाठी मुदतवाढ देण्यात आली होती.
तर दुसरीकडे केंद्र सरकारने पॅनकार्ड (Pancard) आणि आधार लिंक (Aadhar Card) करण्यासाठीही 30 सप्टेंबरपर्यंत मुदत वाढवून दिली होती. ही मुदतही लवकरच संपुष्टात येईल. आयकर विभागाने दिलेल्या माहितीनुसार, पॅन आधारशी जोडलं नाही तर पॅन कार्ड धारकांना आयकर कायद्यानुसार दंड भरावा लागेल. जर दंड टाळायचा असेल तर अंतिम मुदत संपण्यापूर्वी पॅनला आधारशी लिंक करणे गरजेचे आहे.
पीएफ खाते आधारशी लिंक कसे कराल?
स्टेप-1: ईपीएफओचे अधिकृत संकेतस्थळ www.epfindia.gov.in वर जाऊन लॉग इन करा स्टेप-2: त्यानंतर ऑनलाइन सर्व्हिसेसवर क्लिक करा. नंतर ई-केवायसी पोर्टलवर जा. या ठिकाणी link UAN aadhar वर क्लिक करा स्टेप-3: यूएएन अकाउंटशी नोंदणी झालेला तुमचा यूएएन नंबर आणि मोबाइल नंबर अपलोड करा. स्टेप-4: त्यानंतर तुमच्या नोंदणीकृत मोबाईल नंबरवर एक ओटीपी येईल. हा ओटीपी नंबर बॉक्समध्ये भरा. 12 नंबरचा आधार नंबर टाकून फॉर्म सबमिट करा. आता ओटीपी व्हेरिफिकेशन ऑप्शनवर क्लिक करा. स्टेप-5: तुमचा नोंदणीकृत मोबाईल नंबर किंवा ईमेल आईडीवर एक ओटीपी येईल. त्याने आधार नंबरला व्हेरिफाय करा. या व्हेरिफिकेशननंतर तुमचे आधार पीएफ अकाउंटशी लिंक होईल.
संंबंधित बातम्या:
नोकरदार, मजुरांसाठी मोठी बातमी, सामाजिक सुरक्षा संहिता लवकरच लागू होणार, श्रमिकांना काय फायदा?
आपणही PF खातेधारक असाल तर ‘हे’ काम लवकर करा, अन्यथा पैसे काढता येणार नाही
UAN नंबर ॲक्टिव्हेट करण्याची सोपी पद्धत, काही वेळामध्ये चेक करा तुमचा पीएफ बॅलन्स
